Супрацоўнікі ДУ «НГАБ у г.Гродна» прынялі ўдзел у правядзенні штогадовага рэспубліканскага суботніка
Супрацоўнікі дзяржаўнай установы «Нацыянальны гістарычны архіў Беларусі ў г.Гродна» ў колькасці 32 чалавек традыцыйна прынялі ўдзел у правядзенні штогадовага рэспубліканскага суботніка.
Была праведзена генеральная ўборка санітарна-бытавых памяшканняў, наведзены парадак і чысціня на працоўных месцах і прылеглай тэрыторыі.
Супрацоўнікі інжынерна-тэхнічнага аддзела правялі бягучы рамонт у месцах адслаення тынкоўкі столяў у двух архівасховішчах і рамонт каробак.
Таксама група архівістаў прывяла ў парадак і ўсклала кветкі на 2 магілы былых супрацоўнікаў архіва – ветэранаў ВАВ на могілках «Аульс».
Удзельнікі суботніка былі забяспечаны адпаведным інвентаром. Усе работы выконваліся з захаваннем правіл аховы працы і тэхнікі бяспекі.
Акрамя таго, былі пералічаны грашовыя сродкі на разліковы рахунак рэспубліканскага суботніка.