Аб удзеле Нацыянальнага архіва ў дыялогавай пляцоўцы Нацыянальнага дзіцячага адукацыйна-аздараўленчага цэнтра «Зубраня»

14 сакавіка 2023 г. у рамках рэспубліканскай акцыі «Архівы – школе» адбылася дыялогавая пляцоўка, у якой прынялі ўдзел работнікі Нацыянальнага архіва і навучэнцы 8 класаў Нацыянальнага дзіцячага адукацыйна-аздараўленчага цэнтра «Зубраня», якія дасягнулі высокіх паказчыкаў у вучэбнай і грамадскай працы, займаюцца даследчай дзейнасцю, накіраванай на захаванне памяці аб гістарычным мінулым нашай краіны.

З прэзентацыяй аб дзейнасці Нацыянальнага архіва выступіла намеснік дырэктара А.У.Кушнова, а кандыдат гістарычных навук, загадчык аддзела публікацый С.В.Кулінок правёў анлайн-занятак «Дакументальная спадчына перыяду Вялікай Айчыннай вайны як важны элемент захавання гістарычнай памяці» і «Аб генацыдзе беларускага народа ў гады Вялікай Айчыннай вайны».

У сваім выступленні С.В.Кулінок зрабіў акцэнт на дакументах па гісторыі партызанскага руху, расказаў аб знішчэнні ў гады вайны грамадзянскага насельніцтва, прывёў факты па рэалізацыі нацыстамі палітыкі па ўтойванні слядоў сваіх злачынстваў (Акцыя-1005). Таксама С.В.Кулінок распавёў аб публікацыйнай дзейнасці архіва, аб важным значэнні архіўнага дакумента – як першакрыніцы ў вывучэнні гістарычных фактаў. Школьнікам была прадстаўлена міні-выстава зборнікаў архіўных дакументаў, сярод якіх – серыя «Без тэрміна даўнасці. Беларусь».

А.У.Кушнова і С.В.Кулінок адказалі на пытанні юных даследчыкаў і заклікалі школьнікаў шанаваць і любіць гісторыю нашай краіны.