У БелНДІДАС 22 лютага 2023 года адбудзецца аднадзённы семінар па тэме «Новыя патрабаванні да справаводства і архіўнай справы»
ПАВАЖАНЫЯ КІРАЎНІКІ!
18 красавіка 2022 г. уступілі ў сілу змяненні ў Закон Рэспублікі Беларусь «Аб архіўнай справе і справаводстве», іншыя нарматыўныя прававыя акты ў сферы архіўнай справы і справаводства.
Адным з ключавых дакументаў, які вызначае нарматыўнае ўстанаўленне справаводства і архіўнага захоўвання дакументаў у арганізацыі, з’яўляецца наменклатура спраў. У мэтах своечасовай дасведчанасці аб унесеных змяненнях асноўных нарматыўна-прававых актаў, метадычных дакументаў Беларускі навукова-даследчы інстытут дакументазнаўства і архіўнай справы праводзіць аднадзённы семінар па тэме:
«Новыя патрабаванні да справаводства і архіўнай справы»
Дата правядзення семінара – 22 лютага 2023 г.
Час правядзення семінара – 9.30-16.10.
На занятках семінара будуць разгледжаны наступныя асноўныя пытанні:
Змяненні ў законе Рэспублікі Беларусь ад 25 лістапада 2011 г. «Аб архіўнай справе і справаводстве»:
Адміністрацыйная і крымінальная адказнасць за парушэнне заканадаўства па архіўнай справе і справаводстве.
Змяненні ў Інструкцыі па справаводстве ў дзяржаўных органах, іншых арганізацыях:
Правілы афармлення дакументаў згодна з СТБ 6.38-2016 і Інструкцыяй па справаводстве ў дзяржаўных органах, іншых арганізацыях.
Змяненні ў афармленні рэквізітаў дакументаў. Выраб і ўлік гербавых бланкаў.
Патрабаванні да тэкстаў дакументаў. Асаблівасці падрыхтоўкі і афармлення асобных відаў дакументаў.
Рэгістрацыя дакументаў і патрабаванні да іх. Складанне наменклатуры спраў.
Захоўванне дакументаў у арганізацыі: адбор дакументаў для захоўвання і знішчэння.
Змяненні, унесеныя ў новую рэдакцыю Пераліку тыпавых дакументаў, якія ўтвараюцца ў працэсе дзейнасці дзяржаўных органаў, іншых арганізацый і індывідуальных прадпрымальнікаў.
Новае ў Правілах працы архіваў дзяржаўных органаў і іншых арганізацый:
Змяненні ў правілах правядзення навукова-тэхнічнай апрацоўкі дакументаў. Складанне і афармленне вопісаў спраў пры перадачы дакументаў у архіў арганізацый.
Падрыхтоўка да перадачы дакументаў у электронным выглядзе ў архіў.
Парадак стварэння архіва, арганізацыя яго працы. Віды архіваў.
Праца з электроннымі дакументамі ў арганізацыях.
Змяненні ў Інструкцыі аб парадку работы з электроннымі дакументамі ў дзяржаўных органах, іншых арганізацыях.
Змяненні ў Правілах работы дзяржаўных архіваў з дакументамі ў электронным выглядзе.
Заняткі праводзяць: дырэктар БелНДІДАС Рыбакоў А.Я., лектары: Шумская А.В., Дзярновіч К.П. – аўтары нарматыўных актаў, вучэбных і метадычных дапаможнікаў па справаводстве і архіўнай справе.
Семінар будзе праводзіцца па адрасе: г. Мінск, вул. Крапоткіна, 55, канферэнц- зала.
Час правядзення: 9.30 – 16.10.
Слухачам, якія прайшлі навучанне на семінары, будзе выдадзены сертыфікат устаноўленага ўзору.
Жадаючыя прыняць удзел у семінары павінны да 21 лютага 2023 г. падаць заяўкі па электроннай пошце або патэлефанаваць для атрымання і аплаты рахунку-фактуры.
Тэлефон 363-02-05 (з 9.00 да 13.00 і з 14.00 да 18.00 штодня), электронная пошта literatura@belniidad.by.
Кошт удзелу ў семінары складае 98 рублёў 54 капейкі без ПДВ (падстава – падпункт 1.1.2, пункта 1 артыкула 326 Падатковага Кодэкса Рэспублікі Беларусь), з улікам метадычнага дапаможніка ‒ 100 рублёў 60 капеек.
Рэгістрацыя слухачоў у дзень правядзення семінара з 9.00 да 9.30 у пакоі № 15 (на падставе плацёжнага даручэння).
Нашы рэквізіты: р/р BY67BLBB36320100129230001001 у ГАПЕРУ ААТ «Белінвестбанк» г. Мінска, код BLBBBY2X, УНП 100129230.
УВАГА! Просім падцвердзіць удзел у семінары па кантактным тэлефоне.