28 снежня 2022 года ў рамках акцыі «Архівы-школе» і мерапрыемстваў, прымеркаваных да Года гістарычнай памяці, у Нацыянальным архіве Рэспублікі Беларусь адбылася сустрэча з навучэнцамі 9-11 класаў ДУА «Замастоцкая сярэдняя школа» Мінскага раёна

Для вучняў была праведзена экскурсія па архіве. Загадчык аддзела фондаў асабістага паходжання І.У.Дарагуш распавяла аб гісторыі і асноўных напрамках работы Нацыянальнага архіва Рэспублікі Беларусь. Навучэнцы наведалі архівасховішча фондаў асабістага паходжання, дзе для іх была арганізавана выстава дакументаў дзяржаўных, грамадскіх і партыйных дзеячаў, навукоўцаў Беларусі, удзельнікаў Вялікай Айчыннай вайны і інш. І.У.Дарагуш распавяла, як фармуюцца фонды асабістага паходжання і аб іх значнасці ў захаванні гісторыка-культурнай спадчыны Беларусі. Таксама вучні азнаёміліся з дакументамі з фондаў партызанскіх фарміраванняў: асабістымі справамі каманднага складу партызанскіх атрадаў і брыгад, баявымі лісткамі і інш. дакументамі.

Загадчык аддзела забеспячэння захаванасці дакументаў і фондаў Н.С.Нартоўская распавяла аб складзе і асаблівасцях захоўвання дакументаў, аб арганізацыі працы ў архіве па паляпшэнню фізічнага стану дакументаў.