28 снежня 2022 г. адбылося пасяджэнне калегіі Дэпартамента па архівах і справавовдству Міністэрства юстыцыі Рэспублікі Беларусь

28 снежня 2022 г. адбылося пасяджэнне калегіі Дэпартамента па архівах і справаводству Міністэрства юстыцыі Рэспублікі Беларусь (далей – Дэпартамент), на якім былі разгледжаны наступныя пытанні:

1. Аб рабоце са зваротамі грамадзян і юрыдычных асоб у Дэпартаменце і рэспубліканскіх архіўных установах у другой палове 2022 г.

3. Аб выкананні заканадаўства па барацьбе з карупцыяй у рэспубліканскіх архіўных установах у 2022 годзе.

Па першым пытанні калегіяй было адзначана, што ў другім паўгоддзі 2022 года работа Дэпартамента і рэспубліканскіх архіўных устаноў была накіравана на своечасовы і якасны разгляд зваротаў грамадзян і юрыдычных асоб.

Было зафіксавана перавага электронных зваротаў, якія складаюць 83,7% ад агульнага аб’ёму разгляданых зваротаў у Дэпартаменце.

У ліпені – лістападзе 2022 г. у Дэпартаменце разгледжана 117 зваротаў грамадзян і юрыдычных асоб (3 звароты паступілі з вышэйстаячых органаў), з якіх 19 з’яўляліся пісьмовымі, 98 – электроннымі. З ліку названых зваротаў аўтарамі 64 выступалі грамадзяне, 53 – юрыдычныя асобы, з якіх 32 накіроўваліся інспекцыямі па падатках і зборах розных рэгіёнаў Беларусі.

У рэспубліканскіх архіўных установах (Нацыянальны архіў Рэспублікі Беларусь, Нацыянальны гістарычны архіў Беларусі) у справаздачны перыяд большасць разгледжаных зваротаў былі вуснымі (50% ад агульнага аб’ёму разглядаемых зваротаў). Усяго разгледжана 20 зваротаў (2 пісьмовыя, 8 электронныя, 10 вусных).

Усе звароты грамадзян і юрыдычных асоб, якія паступілі ў Дэпартамент і рэспубліканскія архіўныя ўстановы, разгледжаны ва ўстаноўленыя тэрміны.

Калегіяй было адзначана, што прынятыя Законам Рэспублікі Беларусь ад 28 чэрвеня 2022 г. № 176-З змяненні ў Закон Рэспублікі Беларусь ад 18 ліпеня 2011 г. № 300-З “Аб зваротах грамадзян і юрыдычных асоб” уступаюць у сілу з 2 студзеня 2023 г.

Згодна з названымі змяненнямі, падача электронных зваротаў будзе магчыма толькі з дапамогай дзяржаўнай адзінай (інтэграванай) рэспубліканскай інфармацыйнай сістэмы ўліку і апрацоўкі зваротаў грамадзян і юрыдычных асоб. Таксама з гэтай даты не будзе выкарыстоўвацца кніга заўваг і прапаноў.

У рамках другога пытання парадку дня калегіяй разгледжаны праект Плана асноўных мерапрыемстваў Дэпартамента на 2023 год.

Асаблівая ўвага пры абмеркаванні праекта плана была ўдзелена пытанням, звязаным з выкананнем дзяржаўнымі архіўнымі ўстановамі Закона Рэспублікі Беларусь ад 25 лістапада 2011 г. № 323-З “Аб архіўнай справе і справаводстве”, выкананнем пратакола даручэнняў Прэм’ер-міністра Рэспублікі Беларусь, даных па выніках наведвання 5 жніўня 2022 г. установы «Беларускі дзяржаўны архіў кінафотафонадакументаў» і абмеркаванні пытанняў развіцця архіўнай сферы, штоквартальным маніторынгам асваення дзяржаўнымі архіўнымі ўстановамі бюджэтных сродкаў, штогадоваму асвятленню дзейнасці рэгіянальных дзяржаўных архіваў.

Па трэцім пытанні калегіяй была заслухана інфармацыя аб выкананні рэспубліканскімі архіўнымі ўстановамі патрабаванняў заканадаўства па барацьбе з карупцыяй у 2022 годзе. Адзначана, што ў адпаведнасці з агульнадзяржаўнай палітыкай гэта работа знаходзіцца на пастаянным кантролі з боку Дэпартамента і кіраўніцтва рэспубліканскіх архіўных устаноў. На планавай аснове арганізавана дзейнасць па інфармаванні і растлумачэнні работнікам архіўнай галіны патрабаванняў заканадаўства і магчымай адказнасці за карупцыю, па навучанні і павышэнні кваліфікацыі спецыялістаў у пытаннях захавання антыкарупцыйнага заканадаўства і інш. архіўных устаноў карупцыйных правапарушэнняў не выяўлена. Рэспубліканскімі архіўнымі ўстановамі распрацаваны карты карупцыйных рызык.