Правядзенне агляднай экскурсіі ва ўстанове «Дзяржаўны архіў грамадскіх аб’яднанняў Магілёўскай вобласці»

У Год гістарычнай памяці і ў рамках акцыі «Архівы-школе» 16 снежня 2022 г. ва ўстанове «Дзяржаўны архіў грамадскіх аб’яднанняў Магілёўскай вобласці» была праведзена экскурсія для навучэнкі 8 класа ДУА “Межысецкая сярэдняя школа” і выкладчыка гісторыі Венцкевіча Рамана Часлававіча.

У рамках Года гістарычнай памяці загадчык аддзела Шэўчык Т.У. і вядучы архівіст Брузгіна С.М. правялі аглядную экскурсію па архівасховішчы, падчас якой расказалі пра гісторыю архіўнай установы, асноўныя напрамкі дзейнасці архіва, азнаёмілі са складам дакументаў, якія захоўваюцца, і складам газетна-часопіснага фонду архіва, рэжымам іх захоўвання і асноўнымі этапамі развіцця ўстановы. У час экскурсіі госці азнаёміліся з выставачнай экспазіцыяй па гісторыі партархіва. Таксама госці азнаёміліся з дакументамі па абароне горада Магілёва ў ліпені 1941 года і генацыдзе беларускага народа ў гады Вялікай Айчыннай вайны, якія захоўваюцца ў дзяржаўным архіве.