Аб удзеле супрацоўнікаў установы “Дзяржаўны архіў грамадскіх аб’яднанняў Гомельскай вобласці” ў адкрыцці выставы “Вузамі загса” да 105-годдзя ўтварэння органаў загс

13 кастрычніка 2022 года ў галерэі г.х. Вашчанка адбылося адкрыццё выставы «Вузамі загса», прымеркаванай да 105-годдзя ўтварэння органаў загс.

Экспазіцыя ўключала ўборы нявест 1960-80-х гадоў, унікальныя фатаграфіі вяселляў мінулых гадоў і сучасныя кадры ўрачыстасці.

Некаторы час таму Галоўнае ўпраўленне юстыцыі Гомельскага аблвыканкама абвясціла аб зборы святочнай атрыбутыкі. Многія рэчы прынеслі неабыякавыя грамадзяне нашага горада.

На адкрыццё запрасілі тры пары, якія пражылі ў шлюбе больш за 50 гадоў, для іх зладзілі ўрачыстую цырымонію прама ў сценах галерэі ў суправаджэнні Марша Мендэльсона.

Залатыя юбіляры Сямён і Валянціна Бронавы ўступілі ў шлюб 50 гадоў таму ў Мар’інскім сельсавеце Добрушскага раёна.

Людміла і Сяргей Пракоф’евы пазнаёміліся ў піянерскім лагеры «Арляня» 55 гадоў таму і з тых часоў не растаюцца.

У Казахстане 60 гадоў таму пазнаёмілася пара Кузьміных. Маладыя Марыя і Мікалай трапілі туды па размеркаванні, сустрэліся на будаўніцтве электрастанцыі.

Усе юбіляры атрымалі пасведчання аб рэгістрацыі, падарункі і кветкі.

Асаблівую цікавасць у экспазіцыі выставы выклікалі фатаграфіі ўстановы «Беларускі дзяржаўны архіў кінафотафонадакументаў» за 20 гады мінулага стагоддзя. Выказваем падзяку кіраўніцтву і супрацоўнікам архіва за прадастаўленыя фотадакументы.