29 чэрвеня 2022 г. супрацоўнікі Дзяржархіва Віцебскай вобласці прынялі ўдзел у сустрэчы, якая адбылася ў рамках інфармацыйна-асветніцкай акцыі «Дарогамі мужнасці і стойкасці»
29 чэрвеня 2022 г. супрацоўнікі Дзяржархіва Віцебскай вобласці прынялі ўдзел у сустрэчы, якая адбылася ў рамках інфармацыйна-асветніцкай акцыі «Дарогамі мужнасці і стойкасці», якая ахапіла 27 гарадоў і населеных пунктаў, узнагароджаных вымпелам “За мужнасць і стойкасць у гады Вялікай Айчыннай вайны”.
Арганізатарам сустрэчы з’яўляецца Рэспубліканскае дзяржаўна-грамадскае аб’яднанне «Беларускае таварыства «Веды». Спікеры расказалі ўдзельнікам сустрэчы аб генацыдзе беларускага народа ў гады Вялікай Айчыннай вайны (1941 – 1945 гг.), а таксама агучылі інфармацыю аб тым, што ў Рэспубліцы Беларусь уведзена крымінальнае пакаранне за публічнае адмаўленне генацыду беларускага народа ў гады Вялікай Айчыннай вайны, напрыклад, праз СМІ альбо ў інтэрнэце.
Закон «Аб генацыдзе беларускага народа» ад 5 студзеня 2022 года №146-З прыняты ў мэтах захавання памяці аб мільёнах савецкіх грамадзян, якія сталі ахвярамі ў гады Вялікай Айчыннай вайны і пасляваенны перыяд, у адпаведнасці з Канстытуцыяй Рэспублікі Беларусь, а таксама на аснове Канвенцыі аб папярэджанні злачынства генацыду і пакаранні за яго ад 9 снежня 1948 года, Канвенцыі аб непрымяняльнасці тэрміну даўнасці да ваенных злачынстваў і злачынстваў супраць чалавецтва ад 26 лістапада 1968 года і накіраваны на заканадаўчае забеспячэнне абароны фундаментальных каштоўнасцяў беларускага народа, устанаўлення дзейных бар’ераў і вынікаў Другой сусветнай вайны, дачы справядлівай ацэнкі нацыстаў і іх памагатых, нацыяналістычных фармаванняў у гады Вялікай Айчыннай вайны і пасляваенны перыяд.
Закон мае важнае канстытуцыйна-прававое і палітычнае значэнне, паколькі паслужыць асновай для пастаноўкі пытання аб прызнанні генацыду беларускага народа на міжнародным узроўні.
Заканадаўчае прызнанне і асуджэнне факта генацыду беларускага народа замацуе ў гістарычнай памяці народа справядлівую ацэнку злачынстваў фашыстаў і іх памагатых на беларускай зямлі, стане данінай памяці нашчадкаў мільёнам ахвяр фашызму.
Прыняцце Закона абумоўлена неабходнасцю захавання гістарычнай памяці, процідзеяння фальсіфікацыі падзей і вынікаў Другой сусветнай вайны, умацавання нацыянальнай бяспекі.
