У рамках Года гістарычнай памяці 17 красавіка 2022 г. работнікамі Беларускага дзяржаўнага архіва кінафотафонадакументаў быў праведзены выязны лекторый для асабовага складу Цэнтра падрыхтоўкі спецыялістаў ДУ «Група матэрыяльна-тэхнічнага забеспячэння органаў пагранічнай службы»

17 красавіка 2022 года адбыўся выязны лекторый для асабовага складу Цэнтра падрыхтоўкі спецыялістаў ДУ «Група матэрыяльна-тэхнічнага забеспячэння органаў пагранічнай службы».

Кожны дакумент, які захоўваецца ў фондах Беларускага дзяржаўнага архіва кінафотафонадакументаў – бясцэннае гістарычнае сведчанне, сама гісторыя, захаваная ў кадры. Пры вывучэнні кіна-, фота-, фонадакументаў ярчэй і мацней успрымаюцца падзеі, захаваныя на іх. Выязная экскурсія для вайскоўцаў тэрміновай службы паспрыяла фарміраванню грамадзянскіх і патрыятычных якасцей моладзі, бо патрыятызм увасабляе любоў да Радзімы і непарыўна звязаны з гісторыяй і культурай роднай краіны.

У ходзе правядзення лекторыя пагранічнікі пазнаёміліся з гісторыяй Беларускага дзяржаўнага архіва кінафотафонадакументаў, яго структурай, напрамкамі дзейнасці, відамі дакументаў і магчымасцямі пошуку дакументаў.

Асаблівую цікавасць выклікаў аповед пра разнастайнасць прафесій, неабходных у архіўнай галіне: дызайнеры, рэстаўратары, гукарэжысёры, відэаінжынеры і многія іншыя.

Сходы фотадакументаў раскрылі перад аўдыторыяй унікальныя фонды архіва. У ходзе экскурсіі вайскоўцы пазнаёміліся з фатаграфіямі з калекцый Н.С. Тагрына і В.І. Каляды, якія захавалі віды горада Мінска і іншых беларускіх гарадоў пачатку XX стагоддзя. Акрамя таго, для свабоднага прагляду быў прадстаўлены фотаальбом, які змяшчае здымкі з асабістай калекцыі Альжбеты Тамашэўскай-Радзівіл, перададзеныя ўладальніцай у фонды Беларускага дзяржаўнага архіва кінафотафонадакументаў у 2009 годзе. Больш за ўсё слухачоў зацікавіў збор фотадакументаў з калекцыі А.М.Багамолава. Для сучаснай моладзі гэтыя здымкі – шанец убачыць вайну і перамогу вачыма салдата, прайсці па вуліцах вызваленага Берліна вясной 1945 года.

Таксама асабістаму складу Цэнтра падрыхтоўкі спецыялістаў быў прадэманстраваны дакументальны фільм “Біяграфія маёй Рэспублікі”. Кадры кінахронікі ўзрушылі гледачоў, заахвоцілі падзяліцца сямейнымі гісторыямі, звязанымі з падзеямі Вялікай Айчыннай вайны.

1. Работнікі аддзела выкарыстання дакументаў і інфармацыі БДАКФФД падчас правядзення экскурсіі

2. Удзельнікі экскурсіі за праглядам фотадакументаў у клубе ДУ “Група матэрыяльна-тэхнічнага забеспячэння органаў пагранічнай службы”

3. Удзельнікі экскурсіі за праглядам фотадакументаў у клубе ДУ “Група матэрыяльна-тэхнічнага забеспячэння органаў пагранічнай службы”

4. Работнікі аддзела выкарыстання дакументаў і інфармацыі БДАКФФД падчас правядзення экскурсіі