22 верасня 2021 г. адбылося сумеснае пасяджэнне калегій Дэпартамента па архівах і справаводству Рэспублікі Беларусь і Федэральнага архіўнага агенцтва (Расійская Федэрацыя)
22 верасня 2021 г. у г. Магілёве адбылося сумеснае пасяджэнне калегій Дэпартамента па архівах і справаводству Міністэрства юстыцыі Рэспублікі Беларусь і Федэральнага архіўнага агенцтва (Расійская Федэрацыя).
Дэлегацыю архівістаў Рэспублікі Беларусь узначаліў дырэктар Дэпартамента па архівах і справаводству Міністэрства юстыцыі Рэспублікі Беларусь В.І.Кураш, дэлегацыю расійскіх архівістаў – Кіраўнік Федэральнага архіўнага агенцтва А.М.Арцізоў.
У ходзе работы калегій было разгледжана пытанне «Аб пазабюджэтнай дзейнасці дзяржаўных архіўных устаноў Рэспублікі Беларусь і Расійскай Федэрацыі».