Аб правядзенні вучобы па падрыхтоўцы спраў да перадачы ў архіў арганізацыі і на сталае захоўванне

22 ліпеня 2025 года спецыялістамі аддзела фарміравання Нацыянальнага архіўнага фонду і справаводства ўстановы «Дзяржаўны архіў Магілёўскай вобласці» праведзена практычная вучоба са спецыялістамі службы ДОУ ва ўстанове «Магілёўскае абласное ўпраўленне Міністэрства па надзвычайных сітуацыях Рэспублікі Беларусь» па правядзенні навукова-тэхнічнай апрацоўкі дакументаў і падрыхтоўцы спраў да перадачы на пастаяннае захоўванне ў дзяржаўны архіў.

У час вучобы разгледжаны пытанні правядзення экспертызы каштоўнасці дакументаў, фарміравання і падшыўкі спраў, афармлення вокладак спраў і вопісаў спраў, парадку перадачы спраў ад структурных падраздзяленняў у архіў арганізацыі і на пастаяннае захоўванне ў дзяржаўны архіў.

Звернута асаблівая ўвага на вывучэнне дзейных нарматыўных прававых актаў і метадычных рэкамендацый, якія рэгламентуюць правядзенне экспертызы каштоўнасці дакументаў, фарміраванне і афармленне спраў.

1. Спецыялісты Дзяржаўнага архіва кансультуюць супрацоўнікаў абласнога ўпраўлення МНС па пытаннях складання вопісаў спраў

2. Спецыялісты Дзяржаўнага архіва і абласнога ўпраўлення МНС працуюць у архівасховішчы