У рамках адкрыцця канферэнцыі, прысвечанай 100-годдзя міліцыі Беларусі, адбылася прэзентацыя выстаўкі «На варце парадку», падрыхтаванай супрацоўнікамі Дзяржаўнага архіва Мінскай вобласці

Дырэктар Дзяржаўнага архіва Мінскай вобласці Ю. С. Рамашка і намеснік дырэктара архіва па навуковай рабоце Ю. В. Матусевіч 10 лютага 2017 г. прынялі ўдзел у адкрыцці Міжнароднай навукова-практычнай канферэнцыі, прысвечанай 100-годдзя міліцыі Беларусі «Праблемы барацьбы са злачыннасцю і падрыхтоўкі кадраў для праваахоўных органаў».

На пленарным пасяджэнні канферэнцыі былі заслуханы даклады вядомых гісторыкаў і правазнаўцаў: А. Ф. Вішнеўскага – прафесара кафедры тэорыі і гісторыі дзяржавы і права Акадэміі МУС Рэспублікі Беларусь, С. Я. Лебедзева – прафесара кафедры крымінальнага права і крыміналогіі Крымскага філіяла Краснадарскага універсітэта МУС Расіі, І. Э. Мартыненка – заг. кафедры грамадзянскага права і працэсу юрыдычнага факультэта Гродзенскага дзяржаўнага ўніверсітэта ім. Я. Купалы і інш.

У рамках адкрыцця канферэнцыі адбылася прэзентацыя дакументальнай выставы «На варце парадку», падрыхтаванай супрацоўнікамі Дзяржаўнага архіва Мінскай вобласці сумесна з Акадэміяй МУС Рэспублікі Беларусь. Выстава выклікала жывую цікавасць у навуковай супольнасці, удзельнікаў канферэнцыі, гісторыкаў, курсантаў Акадэміі.