«Хворы лічыць сябе паэтам»: работнікі БДАМЛМ прынялі ўдзел у вечары памяці Веніяміна Блажэннага

15 кастрычніка 2026 года ў Літаратурным музеі Максіма Багдановіча адбылася памятная імпрэза «Хворы лічыць сябе паэтам», прысвечаная 105-годдзю з дня нараджэння Веніяміна Блажэннага – аднаго з самых незвычайных рускамоўных паэтаў Беларусі. У мерапрыемстве, арганізаваным сумесна з творчай майстэрняй «Шафа Дэга», прынялі ўдзел работнікі Беларускага дзяржаўнага архіва-музея літаратуры і мастацтва (далей – БДАМЛМ).

Праграма вечара ўключала лекцыю пра жыццёвы і творчы шлях паэта, чытанне яго вершаў, а таксама паказ дакументальнага фільма, падчас якога людзі, якія ведалі паэта, падзяліліся сваімі ўспамінамі пра Блажэннага.

У БДАМЛМ захоўваецца асабісты фонд Веніяміна Блажэннага. Варта адзначыць, што вялікая частка творчай спадчыны паэта пасля яго смерці сканцэнтравана ў Расійскім дзяржаўным архіве літаратуры і мастацтва. Аднак у Беларусі праца па выяўленні і збіранні архіва В.Блажэннага была паспяхова распачата ў 1999 годзе спецыяльнай камісіяй па літаратурнай спадчыне паэта пры Саюзе беларускіх пісьменнікаў. Гэтая крапатлівая праца завяршылася ў 2004 годзе, калі каштоўныя дакументы былі афіцыйна перададзены на дзяржаўнае захаванне ў БДАМЛМ.

Удзел супрацоўнікаў архіва-музея ў такіх мерапрыемствах чарговы раз падкрэслівае важнасць захавання літаратурнай памяці і таго, што фонды БДАМЛМ з’яўляюцца жывой крыніцай для даследаванняў і стварэння новых культурных праектаў.

1. Падчас правядзення вечара памяці «Хворы лічыць сябе паэтам»

2. Загадчык аддзела БДАМЛМ В.В.Біруля і вядучы архівіст Л.Ю.Студзінская