Аб правядзенні ва ўстанове «Дзяржаўны архіў Гомельскай вобласці» урачыстага сходу, прысвечанага Міжнароднаму дню архіваў

9 чэрвеня 2026 г. дырэктар установы «Дзяржаўны архіў Гомельскай вобласці» Юрый Шастапалаў сумесна са старшынёй пярвічнай прафсаюзнай арганізацыі архіва Святланай Прымаковай павіншавалі калектыў з Міжнародным днём архіваў.

Выступленне Юрыя Шастапалава перад калектывам было прысвечана гісторыі міжнароднага свята. Міжнародны дзень архіваў заснаваны Міжнародным саветам архіваў у 2007 годзе на канферэнцыі ў Квебеку. Дата 9 чэрвеня выбрана невыпадкова: менавіта ў гэты дзень у 1948 годзе па рашэнні ЮНЕСКА быў створаны сам Міжнародны савет архіваў. Гэтая арганізацыя аб’ядноўвае нацыянальныя архіўныя службы, прафесійныя асацыяцыі і спрыяе міжнароднаму абмену вопытам. Архіўны дакумент – гэта першакрыніца і фактычная аснова для прачытання развіцця сусветнай гісторыі. Менавіта дзякуючы працы архівістаў гістарычная дакументальная спадчына краіны знаходзіцца ў цэласці і захаванасці, даючы магчымасць нашчадкам даведацца больш пра гісторыю сваёй краіны. Дзякуючы прафесіяналізму, увазе да дэталяў і любові да сваёй справы, архівы становяцца даступнымі і зразумелымі для ўсіх, хто цікавіцца гісторыяй краю.

Юрый Шастапалаў і Святлана Прымакова падзякавалі архівістаў за добрасумленную працу і пажадалі здароўя, поспехаў, дабрабыту, аптымізму і новых прафесійных дасягненняў. Ва ўрачыстай абстаноўцы былі ўзнагароджаны граматамі выдатныя работнікі архіва – Вольга Крывенкава, Тамара Макарэвіч, заслужаныя падзякі былі аб’яўлены Міхаілу Сачава, Алесе Емельянавай, Вікторыі Рудэнка і Кацярыне Качавай.

1. Выступленне дырэктара абласнога архіва Ю.Шастапалава

2. Узнагароджанне ганаровай граматай Т.Макарэвіч

3. Узнагароджанне ганаровай граматай А.Крывенкавай

4. Уручэнне падзякі В.Рудэнка

5. Уручэнне падзякі М.Сачаво

6. Уручэнне падзякі А.Емельянавай

7. Калектыў Дзяржаўнага архіва Гомельскай вобласці