Аб правядзенні ва ўстанове «Дзяржаўны архіў Гомельскай вобласці» мерапрыемства ў межах рэспубліканскай акцыі «Архівы – школе»

2 чэрвеня 2026 г. у Дзяржаўным архіве Гомельскай вобласці спецыялістамі архіва быў праведзены ўрок для навучэнцаў 8 класа ДУА «Сярэдняя школа №75 г. Гомеля». Урок быў прысвечаны Міжнароднаму дню архіваў, які штогод адзначаецца 9 чэрвеня і накіраваны на развіццё цікавасці навучэнцаў да прафесіі «архівіст».

На ўроку школьнікі даведаліся пра прафесію «архівіст», пра задачы і функцыі архіваў. Архівісты – захоўвальнікі гісторыі, бо ў архіве захоўваюцца ўсе сапраўдныя дакументы. Таму гэтая прафесія не толькі вельмі цікавая, але і ва ўсе часы заўсёды была важнай і неабходнай. Для атрымання прафесіі архіварыуса ў Беларусі даступныя як вышэйшыя навучальныя ўстановы, так і каледжы, а таксама спецыялізаваныя курсы.

У архівасховішчы вядучы архівіст Марына Бартноўская пазнаёміла школьнікаў з працэсамі захавання дакументаў, якія маюць гістарычную, культурную, навуковую або адміністрацыйную каштоўнасць. А таксама паказала школьнікам цікавыя гістарычныя дакументы мінулага стагоддзя.

У заключэнне мерапрыемства навучэнцы паглядзелі відэаролік Беларускага дзяржаўнага архіва кінафотафонадакументаў «Дом, у якім жыве час» пра працу архівістаў з фота- і відэадакументамі.

1. Вядучы архівіст М.Бартноўская з навучэнцамі ў архівасховішчы

2. Навучэнцы падчас прагляду відэароліка ў чытальнай зале архіва