Аб правядзенні медыяінтэнсіва ва Усерасійскім дзіцячым цэнтры «Арляня»

З 3 па 8 мая 2026 года ва Усерасійскім дзіцячым цэнтры «Арляня» адбыўся медыяінтэнсіў, які праводзіцца ў рамках сацыяльна значнага праекта «Без тэрміну даўнасці: няскораныя». Тэмай медыяінтэнсіўу стала захаванне гістарычнай памяці аб злачынствах фашызму ў гады Вялікай Айчыннай вайны, асэнсаванне фактаў генацыду савецкага народа скрозь прызму архіўных дакументаў. Да працы былі прыцягнуты больш за 100 падлеткаў-даследчыкаў з ліку арлят, уключаных у кінаадукацыйную патрыятычную праграму, агульная колькасць якіх складае больш за 1500 чалавек.

У якасці спікера ад Рэспублікі Беларусь для ўдзелу ў медыяінтэнсіве была запрошана галоўны захавальнік фондаў установы «Беларускі дзяржаўны архіў кінафотафонадакументаў» Раманава Марыя Дзмітрыеўна. У ходзе правядзення медыяінтэнсіўу на працягу працоўнага тыдня Раманавай М.Д. была праведзена лекцыя «Вачыма відавочцаў: кінахроніка, фота- і фонадакументы як доказы генацыду». У рамках папулярызацыі архіўнай спадчыны Рэспублікі Беларусь быў прадэманстраваны фільм «Партызанская рэспубліка», падрыхтаваны ў рамках праекта «Адкрыты кінаархіў». Акрамя таго, у дар Усерасійскаму дзіцячаму цэнтру «Арляня» былі перададзены выданні Нацыянальнага архіва Рэспублікі Беларусь, а таксама праведзена лекцыя-прэзентацыя аб гісторыі і сучасным стане архіўнай галіны Рэспублікі Беларусь.

У рамках працы медыяінтэнсіва даследчыкамі пры дапамозе спікераў былі падрыхтаваны праекты-прэзентацыі на аснове архіўных дакументаў і лічбавага архіва выпускаў газеты «Чырвоная Зорка» за 1941-1945 гады. Праца працягвалася 5 дзён, на працягу якіх даследчыкі распрацавалі тэму даследавання, падабралі адпаведныя архіўныя дакументы, у тым ліку фатаграфіі і кінахроніку. Пад кіраўніцтвам спікераў быў падрыхтаваны і абаронены 21 праект, прысвечаны тэме генацыду савецкага народа ў гады Вялікай Айчыннай вайны.

Кіна- і фотадакументы, прадстаўленыя для працы БДАКФФД, а таксама лічбавыя копіі выпускаў газеты «Чырвоная Зорка» паслужылі матэрыялам для даследаванняў, а таксама бясспрэчнымі доказамі злачынстваў нямецка-фашысцкіх акупантаў.

Найлепшыя працы былі адзначаны журы, а іх аўтары атрымалі ўзнагароды.

Абарона праектаў паказала, што праведзеная праца паспрыяла асэнсаванню фактаў злачынстваў фашызму супраць чалавечнасці ў гады Вялікай Айчыннай вайны, непрыманню ідэалогіі нацызму, маральнаму і патрыятычнаму выхаванню моладзі.

1. Падчас цырымоніі адкрыцця медыяінтэнсіўу. Май 2026 г.

2. Падчас цырымоніі адкрыцця медыяінтэнсіўу. Май 2026 г.

3. Прэзентацыя фільма «Партызанская рэспубліка». Май 2026 г.

4. Галоўны захавальнік фондаў БДАКФФД падчас працы з аўтарамі даследчых праектаў у ВДЦ «Арляня». Май 2026 г.

5. Падчас працы над прэзентацыяй. Май 2026 г.

6. Падчас цырымоніі ўзнагароджання аўтараў найлепшых даследчых праектаў. Май 2026 г.

7. Падчас правядзення тэатралізаванага паказу «Знішчанае дзяцінства», падрыхтаванага ўдзельнікамі медыяінтэнсіўу. Май 2026 г.