Аб удзеле работнікаў Нацыянальнага архіва Рэспублікі Беларусь і Беларускага дзяржаўнага архіва кінафотафонадакументаў у акцыі «Архівы – школе» ў гімназіі №21 г.Мінска

Апублікавана: 30 красавіка 2026 г.

27 красавіка 2026 года ў рамках агульнарэспубліканскай акцыі «Архівы – школе» ў гімназіі №21 г.Мінска для настаўнікаў гісторыі сталіцы прайшла дыялогавая пляцоўка «Iнтэрнэт-рэсурсы архіўнай галіны Беларусі як дапаможны інструмент у адукацыйным працэсе».

Дакладчыкамі выступілі намеснік дырэктара Нацыянальнага архіва Рэспублікі Беларусь, к.г.н. С.В.Кулінок (тэма даклада: «Iнтэрнэт-рэсурсы архіўнай галіны Беларусі як дапаможны інструмент у адукацыйным працэсе») і галоўны захавальнік фондаў Беларускага дзяржаўнага архіва кінафотафонадакументаў М.Д.Раманава (тэма даклада: «Выкарыстанне аўдыёвізуальных дакументаў у інтэрнэт-прасторы: вопыт БДАКФФД»).

Спікеры распавялі пра асноўныя інтэрнэт-рэсурсы (парталы «Партызаны Беларусі», «Дакументальны летапіс Беларусі» і іншыя), якія былі створаны архівістамі Беларусі і могуць быць выкарыстаны ў адукацыйнай рабоце са школьнікамі.

Мерапрыемства выклікала шчырую цікавасць слухачоў і мела вялікі практычны вынік.

1. Дакладчыкі С.В.Кулінок (НАРБ) і М.Д.Раманава (БДАКФФД)

2. Удзельнікі дыялогавай пляцоўкі