Аб правядзенні ў Нацыянальным архіве Рэспублікі Беларусь экскурсіі для навучэнцаў гімназіі №9 г.Мінска

10 лютага 2026 года ў Нацыянальным архіве Рэспублікі Беларусь (далей – НАРБ) у рамках правядзення агульнарэспубліканскай акцыі «Архівы – школе» і акцыі «Юны архівіст» адбылася экскурсія для навучэнцаў ДУА «Гімназія №9 г.Мінска імя Д.М.Манкевіча».

З прывітальным словам да гасцей звярнуўся намеснік дырэктара НАРБ, кандыдат гістарычных навук С.В.Кулінок. Таксама ён расказаў аб гісторыі архіва, асноўных напрамках яго дзейнасці, складзе дакументаў і магчымасцях іх выкарыстання ў напісанні навуковых работ па гісторыі Беларусі.

Падчас другой частцы экскурсіі навучэнцы наведалі архівасховішча фондаў перыяду Вялікай Айчыннай вайны, дзе азнаёміліся з умовамі захоўвання дакументаў, а таксама з дакументальнымі крыніцамі па гісторыі партызанскага руху, аб злачынствах нямецкіх акупацыйных улад супраць грамадзянскага насельніцтва і аб вывазе мірных жыхароў БССР на прымусовую працу.

Таксама для гасцей быў прадэманстраваны відэаролік «Мы памятаем…», падрыхтаваны работнікамі НАРБ з прымяненнем тэхналогій штучнага інтэлекту.

Аглядная экскурсія, арганізаваная НАРБ, была накіравана на паглыбленне школьных ведаў праз узаемадзеянне з сапраўднымі крыніцамі, знаёмства з прафесіяй архівіста і фарміраванне адказнага стаўлення да дакументальнай спадчыны нашай краіны.

1. Выступленне намесніка дырэктара НАРБ С.В.Кулінка

2. Падчас прагляду відэароліка «Мы памятаем…»

3. Госці архіва падчас наведвання архівасховішча

4. Госці архіва падчас наведвання архівасховішча

5. Госці архіва падчас наведвання архівасховішча

6. Госці архіва падчас наведвання архівасховішча