Рубрыка:

У Нацыянальным архіве Рэспублікі Беларусь падведзены вынікі работы за 2025 год

Апублікавана: 21 студзеня 2026 г.

20 студзеня 2025 г. у Нацыянальным архіве Рэспублікі Беларусь (далей – НАРБ) адбылося пашыранае пасяджэнне дырэкцыі па выніках работы за 2025 год і планах на 2026 год.

З падрабязным дакладам выступіў дырэктар НАРБ А.К..Дземянюк. Ён падвёў вынікі працы архіва па ўсіх асноўных напрамках дзейнасці: камплектаванне, ўлік, забеспячэнне захаванасці, удасканаленне НСА, выкарыстанне, аблічбоўка, умацаванне матэрыяльна-тэхнічнай базы і забеспячэнне кібербяспекі, праца з кадрамі і ідэалагічная праца. Андрэй Канстанцінавіч падзякаваў калектыву архіва за выкананне і перавыкананне ўсіх асноўных паказчыкаў у рабоце, даў рэкамендацыі і паставіў задачы на 2026 год. Асабліва дырэктар НАРБ адзначыў прыярытэтныя тэмы ў рамках культурна-асветніцкай работы архіва: Год беларускай жанчыны, 40-годдзе трагедыі на Чарнобыльскай АЭС, 85-годдзе пачатку Вялікай Айчыннай вайны, а таксама падкрэсліў неабходнасць арганізацыі работы па планаванні мерапрыемстваў да 100-годдзя архіва ў 2027 годзе.

Першы намеснік дырэктара Дэпартамента па архівах і справаводстве Міністэрства юстыцыі Рэспублікі Беларусь В.А.Лядоўская станоўча ацаніла праведзеную архівістамі НАРБ працу на працягу 2025 года і падзякавала ім за працу. Яна спынілася і на праблемных пытаннях, а таксама вызначыла асноўныя напрамкі ў рабоце на 2026 год.

Па выніках пашыранай дырэкцыі прынята рашэнне прызнаць працу НАРБ за 2025 год здавальняючай, пастаўленыя прыярытэтныя задачы на 2026 год.

У заключнай частцы дырэкцыі адбылося ўзнагароджанне работнікаў архіва. Падзякай Дэпартамента па архівах і справаводстве Міністэрства юстыцыі Рэспублікі Беларусь узнагароджаны загадчык сектара інфармацыйных камп’ютарных тэхналогій Д.В.Грыцавец і загадчык сектара тэхнічнага афармлення спраў Т.А.Баранава. Ганаровымі граматамі НАРБ ўзнагароджаны Калабаева У.А., Карась І.А. і Гіцкая Т.А.

Падзякамі НАРБ адзначаны: Аўдзеева В.М., Баубыр Ю.І., Бокша Г.І., Жук М.У., Лукомская А.П., Лук’янцава Т.Ю., Моняк В.С., Савачкіна І.П., Стараверава Н.Ю., Сігневіч Л.М., Смаль У.Н., Трасцянка І.А., Трубіла М.Л.

У заканчэнні мерапрыемства адбылося ўрачыстае адкрыццё Дошкі гонару, на якой прадстаўлены лепшыя работнікі НАРБ па выніках працы ў 2025 годзе: Ісайчук Н.В., Раманенкава Р.В., Селяменеў В.Д., Сівец С.А., Чартовіч Н.А., Юркевіч В.Ю.