Аб удзеле работнікаў установы «Беларускі дзяржаўны архіў кінафотафонадакументаў» у адкрыцці выставы

30 кастрычніка 2025 года ў Нацыянальным мастацкім музеі Рэспублікі Беларусь адбылося ўрачыстае адкрыццё выставы “Андрэй Бембель. Дарогамі эпохі», прымеркаванай да 120-годдзя з дня нараджэння народнага мастака БССР, прафесара, скульптара, лаўрэата Дзяржаўнай прэміі БССР Андрэя Ануфрыевіча Бембеля.

Выстава ахоплівае перыяды творчага жыцця майстра з 1940-х па 1980-я гады. У экспазіцыі прадстаўлены станковыя работы, асабістыя і архіўныя дакументы, а таксама фотадакументы з фондаў Беларускага дзяржаўнага архіва кінафотафонадакументаў.

Ва ўрачыстай цырымоніі адкрыцця прынялі ўдзел галоўны захавальнік фондаў М.Д. Раманава і вядучы архівіст аддзела выкарыстання дакументаў і інфармацыі А.І. Траццяк.

Экспанаванне выставы пройдзе з 31 кастрычніка па 14 снежня 2025 г. у выставачным корпусе Нацыянальнага мастацкага музея Рэспублікі Беларусь.

1. Галоўны захавальнік фондаў установы «Беларускі дзяржаўны архіў кінафотафонадакументаў» М.Д.Раманава падчас выступу на ўрачыстым адкрыцці выставы «Андрэй Бембель. Дарогамі эпохі»

2. Галоўны захавальнік фондаў установы «Беларускі дзяржаўны архіў кінафотафонадакументаў» М.Д.Раманава і вядучы архівіст аддзела выкарыстання дакументаў і інфармацыі А.І. Траццяк на выставе «Андрэй Бембель. Дарогамі эпохі»