У Дзень ведаў дырэктар архіва грамадскіх аб’яднанняў Гомельскай вобласці прыняла ўдзел ва ўрачыстай лінейцы сярэдняй школы №3 г.Гомеля ім. Д.Н. Пенязькова

1 верасня 2025 года дырэктар установы «Дзяржаўны архіў грамадскіх аб’яднанняў Гомельскай вобласці» прыняла ўдзел ва ўрачыстай лінейцы, прысвечанай Дню ведаў у сярэдняй школе №3 г.Гомеля ім. Д.Н.Пенязькова.

Ірына Уладзіміраўна павіншавала вучняў і іх бацькоў, педагагічны калектыў школы з пачаткам новага навучальнага года, пажадаўшы навучэнцам новых адкрыццяў, выдатных адзнак, верных сяброў і шмат радасці ад вучобы, бо веды – гэта галоўнае багацце, а настаўнікам – мудрасці, цярпення, творчых ідэй, прафесійных дасягненняў і радасці ад поспехаў сваіх вучняў. Таксама, Ірына Уладзіміраўна адзначыла, што адной з галоўных крыніц ведаў з’яўляецца кніга і перадала ў дар установе камплект кніг, выдадзеных у рамках праекта «Бібліятэка Саюзнай дзяржавы».

Мэтамі гэтага праекта з’яўляюцца падтрымка і публікацыя фундаментальных даследаванняў ключавых старонак сумеснага гістарычнага шляху Расіі і Беларусі. Праект прадстаўляе яркія старонкі гісторыі Масквы і Мінска, дакладныя матэрыялы аб гераічным мінулым народаў, нацыянальных укладах і традыцыях, а таксама аб культуры і духоўных скрэпах, якія звязваюць беларусаў і расіян.

1. Кнігі, выдадзеныя ў рамках праекта «Бібліятэка Саюзнай дзяржавы»

2. Выступленне дырэктара архіва Жынёвай I.В. на ўрачыстай лінейцы сярэдняй школы №3 г. Гомеля ім. Д.Н. Пенязькова

3-5. Падчас урачыстай лінейкі ў сярэдняй школе №3 г.Гомеля ім. Д.Н. Пенязькова