Пад знакам якасці: маладзечанскія архівісты падрыхтавалі дакументальную выставу да юбілейнай даты аднаго з найстарэйшых заводаў рэгіёна

У рамках пяцігодкі якасці супрацоўнікі Зональнага дзяржаўнага архіва ў г.Маладзечна падрыхтавалі дакументальную выставу, прысвечаную 140-годдзю СААТ «Маліновшчынскі спіртавы завод «Аквадзіў» — аднаго з найстарэйшых прадпрыемстваў харчовай прамысловасці Беларусі.

Выстава ўключае архіўныя дакументы, фотаздымкі, даведачныя матэрыялы, якія адлюстроўваюць ключавыя этапы станаўлення і развіцця прадпрыемства з моманту яго заснавання. Асаблівая ўвага надаецца гістарычным сведчанням, звязаным з вытворчай дзейнасцю, кадравым складам, тэхналагічнымі зменамі і ўдзелам завода ў сацыяльна-эканамічным жыцці рэгіёна. Наведвальнікі змогуць азнаёміцца з рэдкімі матэрыяламі, якія раней не прадстаўляліся ў адкрытым доступе.

Даведачна: «Аквадзіў» ганарыцца багатай гісторыяй і міжнародным прызнаннем. Завод быў заснаваны ў вёсцы Маліноўшчына Маладзечанскага раёна і з таго часу прайшоў шлях ад рамеснай вытворчасці да сучаснага комплексу поўнага цыклу, які экспартуе прадукцыю ў больш чым 20 краін свету. Яна неаднаразова адзначалася ўзнагародамі на міжнародных выставах, у тым ліку залатымі медалямі за якасць на «Продэкспа-2025».

1-3. Знаёмства з выставай.