Ва ўстанове «Дзяржаўны архіў Гомельскай вобласці» адбылася сустрэча маладых работнікаў архіва са старшынёй Гомельскай абласной арганізацыі Беларускага прафесійнага саюза работнікаў дзяржаўных і іншых устаноў Аляксандрам Матарасам

26 жніўня 2025 года ў Дзяржаўным архіве Гомельскай вобласці адбылася сустрэча маладых работнікаў архіва са старшынёй Гомельскай абласной арганізацыі Беларускага прафесійнага саюза работнікаў дзяржаўных і іншых устаноў Аляксандрам Матарасам.

У Дзяржаўным архіве Гомельскай вобласці на сённяшні дзень працуе 7 маладых спецыялістаў, трое з якіх прыйшлі ў калектыў сёлета, для дваіх – гэта першае працоўнае месца. Усе яны – члены Прафсаюза работнікаў дзяржустаноў. На сустрэчы яны падзяліліся з Аляксандрам Васільевічам сваімі ідэямі і прапановамі, расказалі пра сябе і калектыў. Маладыя людзі задавалі пытанні аб гарантыях, прадугледжаных калектыўнай дамовай, аб удзеле прафсаюза ў працэсе адаптацыі маладых архівістаў, аб стварэнні камфортных і бяспечных умоў працы. Дыялог атрымаўся цікавым, канструктыўным і адкрытым.

– Заўсёды прыемна сустракацца з маладымі спецыялістамі. Нам важна чуць моладзь, рэагаваць на яе ініцыятывы, ідэі, матываваць і падтрымліваць, – адзначыў Аляксандр Матарас. Ён пажадаў маладым работнікам мэтанакіраванасці і самаўдасканалення ў прафесіі, актыўнага ўдзелу ў прафсаюзных справах.

1. На сустрэчы з моладдзю архіва (злева направа): намеснік дырэктара архіва Зоя Аляксандравіч, старшыня Прафсаюза работнікаў дзяржустаноў Аляксандр Матарас, старшыня першаснай прафсаюзнай арганізацыі архіва Святлана Прымакова

2. Сваё пытанне задае малады спецыяліст архіва Вікторыя Рудэнка