Аб удзеле намесніка дырэктара Нацыянальнага архіва Рэспублікі Беларусь у канферэнцыі «Шлях да перамогі. Новыя напрамкі і крыніцы вывучэння Вялікай Айчыннай вайны» ў Санкт-Пецярбургу

Апублікавана: 12 мая 2025 г.

5-6 мая 2025 года ў Санкт-Пецярбургскім дзяржаўным універсітэце адбылася Міжнародная навуковая канферэнцыя «Шлях да перамогі. Новыя напрамкі і крыніцы вывучэння Вялікай Айчыннай вайны». Форум сабраў спецыялістаў па ваеннай гісторыі з Расіі, Беларусі і Кітая.

Удзел у форуме прыняў намеснік дырэктара Нацыянальнага архіва Рэспублікі Беларусь (далей – НАРБ), к.г.н. С.В.Кулінок. Ён перадаў ва ўніверсітэт апошнія выданні НАРБ, у тым ліку – ілюстраваны зборнік дакументаў «Аперацыя «Баграціён». Партызаны беларускай зямлі…», падрыхтаваны ў рамках праекта «Бібліятэка Саюзнай дзяржавы».

С.В.Кулінок выступіў на секцыі «Ваенныя дзеянні на фронце і акупаванай тэрыторыі» з дакладам «Нацысцкія карныя аперацыі ў Беларусі: тэрміналагічны апарат, нарматыўна-прававая база правядзення, агульная колькасць».

1. Прэзідыум канферэнцыі «Шлях да перамогі. Новыя напрамкі і крыніцы вывучэння Вялікай Айчыннай вайны»

2. С.В.Кулінок уручае ілюстраваны зборнік дакументаў загадчыку кафедры найноўшай гісторыі Расіі, д.г.н., прафесару М.В.Хадзякову

3. Выступленне намесніка дырэктара НАРБ С.В.Кулінка