Аб удзеле Дзяржаўнага архіва Брэсцкай вобласці ў адзіным дні інфармавання ў Брэсцкім дзяржаўным універсітэце імя А.С.Пушкіна

24 красавіка 2025 года Дзяржаўны архіў Брэсцкай вобласці прыняў удзел у адзіным дні інфармавання «Подзвігу народа жыць у стагоддзях» у Брэсцкім дзяржаўным універсітэце імя А.С.Пушкіна.

Адкрыў мерапрыемства рэктар універсітэта Юрый Голубеў.

Для выкладчыкаў і студэнтаў была прэзентавана падрыхтаваная архівам банэрная выстаўка архіўных дакументаў «Была вайна… Была перамога!». Дырэктар архіва Ганна Карапузава расказала прысутным аб прадстаўленых на выстаўцы дакументах.

У рамках мерапрыемства быў арганізаваны кінапаказ падрыхтаваных Беларускім дзяржаўным архівам кінафотафонадакументаў дакументальных фільмаў «Да 80-й гадавіны вызвалення горада Брэста ад нямецка-фашысцкіх захопнікаў» і «Гісторыя Вялікай Перамогі».

Перад паказам вядучы архівіст аддзела выкарыстання і публікацыі дакументаў Вераніка Крышчанка расказала прысутным аб стварэнні фільмаў.

1. Рэктар Брэсцкага дзяржуніверсітэта імя А.С.Пушкіна Ю.П.Голубеў адкрывае мерапрыемства

2. Дырэктар Дзяржаўнага архіва Брэсцкай вобласці Г.Г.Карапузава з уступным словам

3-4. Дырэктар Дзяржаўнага архіва Брэсцкай вобласці Г.Г.Карапузава прадстаўляе выстаўку

5. Вядучы архівіст аддзела выкарыстання і публікацыі дакументаў Вераніка Крышчанка расказвае пра дакументальныя фільмы

6. Падчас кіналекторыя