Аб рэалізацыі рэспубліканскай акцыі «Архівы-Школе» ў Беларускім дзяржаўным архіве навукова-тэхнічнай дакументацыі

25-28 сакавіка 2025 года ў рамках акцыі «Архівы-Школе» ў Беларускім дзяржаўным архіве навукова-тэхнічнай дакументацыі адбыліся экскурсіі для дзвюх груп студэнтаў Беларускага нацыянальнага тэхнічнага ўніверсітэта (БНТУ) і для навучэнцаў 8 і 10 класаў ДУА «Гімназія №25 ім. Рымы Шаршнёвай г.Мінска».

Падчас экскурсіі хлопцы і дзяўчаты пазнаёміліся з гісторыяй архіва, будынкам, які ён займае, а таксама структурай і асноўнымі напрамкамі яго дзейнасці.

Вялікую цікавасць выклікала арганізацыя работы архівасховішчаў, дзе студэнты даведаліся аб правілах размяшчэння дакументаў, парадку выдачы і ўліку спраў, аб мерах па забеспячэнні захаванасці архіўных матэрыялаў.

У чытальнай зале архіва студэнты і навучэнцы азнаёміліся з праектнай дакументацыяй, фатаграфіямі г.Мінска, якія ілюструюць аднаўленне горада пасля Вялікай Айчыннай вайны, а таксама з выставай дакументаў, прысвечанай працэсу стварэння помніка на плошчы Перамогі.

1. Студэнты БНТУ ў архівасховішчы

2. Студэнты БНТУ у чытальнай зале архіва

3. Вучні 8 класа гімназіі №25 г.Мінска падчас экскурсіі

4. Вучні 8 класа гімназіі №25 г.Мінска

5. Вучні 10 класа гімназіі №25 г.Мінска ў архівасховішчы

6. Вучні 10 класа гімназіі №25 г.Мінска падчас экскурсіі

7. Вучні 10 класа гімназіі №25 г.Мінска ў чытальнай зале архіва