Дакументальная выстава да 100-годдзя першага выпуску студэнтаў БДУ на Адзіным дні адчыненых дзвярэй у Ліцэі імя Ф.Э.Дзяржынскага БДУ

22 сакавіка 2025 года ў рамках агульнарэспубліканскай акцыі «Я выбіраю прафесію» ў Ліцэі імя Ф.Э.Дзяржынскага БДУ адбыўся Адзіны дзень адчыненых дзвярэй. У мерапрыемстве прыняў удзел Нацыянальны архіў Рэспублікі Беларусь (далей – НАРБ), якi прадставіў дакументальную выставу «Беларускі дзяржаўны ўніверсітэт. Пачатак» (Да 100-годдзя першага выпуску студэнтаў БДУ).

На выставе прадстаўлены ўнікальныя дакументы з архіўнага фонду «Беларускі ордэна Працоўнага Чырвонага Сцяга дзяржаўны ўніверсітэт»: Пастанова Прэзідыума ЦВК Беларускай ССР аб адкрыцці ў Мінску Беларускага дзяржаўнага ўніверсітэта; умовы і парадак прыёму ў Беларускі дзяржаўны ўніверсітэт; спісы студэнтаў 1 курса розных факультэтаў; спісы прафесараў і выкладчыкаў універсітэта; праграмы курсаў па розных прадметах; загады рэктара БДУ, іншыя дакументы.

Навуковы супрацоўнік аддзела выкарыстання дакументаў і інфармацыі НАРБ Ю.С.Верамейчык правяла экскурсію па выставе для ўсіх жадаючых, а таксама распавяла аб асноўных напрамках работы НАРБ.

1. Навуковы супрацоўнік аддзела выкарыстання дакументаў і інфармацыі НАРБ Ю.С.Верамейчык знаёміць з выставай архіўных дакументаў, прымеркаванай да першага выпуску студэнтаў БДУ

2. Дакументы НАРБ на выставе ў Ліцэі імя Ф.Э.Дзяржынскага БДУ

3. Навуковы супрацоўнік аддзела выкарыстання дакументаў і інфармацыі НАРБ Ю.С.Верамейчык знаёміць наведвальнікаў з архіўнымі дакументамі

4. Навуковы супрацоўнік аддзела выкарыстання дакументаў і інфармацыі НАРБ Ю.С.Верамейчык знаёміць наведвальнікаў з архіўнымі дакументамі