Візіт у Нацыянальны архіў Рэспублікі Беларусь прафесара В.В.Кандрашына

Апублікавана: 24 сакавіка 2025 г.

21 сакавіка 2025 года ў Нацыянальны архіў Рэспублікі Беларусь (далей – НАРБ) з рабочым візітам прыбыў кіраўнік Цэнтра эканамічнай гісторыі Інстытута расійскай гiсторыі РАН, д.г.н., прафесар В.В.Кандрашын.

Ён прывёз новыя выяўленыя дакументы для ўключэння ў сумесны выдавецкі праект беларускіх і расійскіх архівістаў «Аднаўленне прамысловасці БССР 1943-1950 гг.».

У ходзе перамоваў з кіраўніцтвам НАРБ і работнікамі аддзела публікацый былі ўзгодненыя канчатковая структура зборніка, склад дакументаў і ілюстрацыйнага блока.

Акрамя таго, адбылося абмеркаванне канцэпцый будучых сумесных беларуска-расійскіх праектаў «Аднаўленне сацыяльнай сферы БССР 1943-1950 гг.» і «Аднаўленне культурнай сферы БССР 1943-1950 гг.» (рабочыя назвы).

Дырэктар НАРБ А.К.Дземянюк уручыў В.В.Кандрашыну зборнік дакументаў «Аперацыя «Баграціён». Партызаны беларускай зямлі…».

На фота: Дырэктар НАРБ А.К.Дземянюк уручае зборнік дакументаў «Аперацыя «Баграціён. Партызаны беларускай зямлі…» прафесару В.В.Кандрашыну