Дакументальная выстава, прысвечаная 100-годдзю Цэнтральнага Дома афіцэраў Узброеных Сіл Рэспублікі Беларусь

21 сакавіка 2025 года дзяржаўная культурна–дасугавая ўстанова «Цэнтральны Дом афіцэраў Узброеных Сіл Рэспублікі Беларусь» адзначыў свой векавы юбілей. У рамках урачыстага мерапрыемства Нацыянальны архіў Рэспублікі Беларусь (далей – НАРБ) прадставіў дакументальную выставу, прысвечаную гэтай знакавай падзеі.

На экспазіцыі, арганізаванай архівам, прадстаўлены ўнікальныя арыгінальныя дакументы, прысвечаныя гісторыі стварэння Дома Чырвонай Арміі: Пратакол №2 пасяджэння СНК БССР аб пошуку сродкаў для арганізацыі ў Мінску Дома Чырвонай Арміі; Пастанова №1428 СНК БССР аб ходзе будаўніцтва Дома Чырвонай Арміі; Пратакол №214 Бюро ЦК КП(б)Б аб адкрыцці Дома Чырвонай Арміі; Указ Прэзідыума Вярхоўнага Савета БССР аб узнагароджанні Акруговага Дома афіцэраў Ганаровай Граматай Вярхоўнага Савета Беларускай ССР, і іншыя.

Таксама на выставе прадстаўлены дакументы Беларускага штаба партызанскага руху: дыяграмы і данясення; справаздачы партызанскіх брыгад і атрадаў аб праведзеных баявых аперацыях; гісторыі партызанскіх атрадаў і брыгад; рукапісныя выданні партызан, якія распавядаюць аб іх баявой дзейнасці; ўзнагародныя дакументы і баявыя характарыстыкі партызан.

З дакументальнай выставай азнаёміліся: Міністр абароны Рэспублікі Беларусь В.Г.Хрэнін, Памочнік Міністра абароны па ідэалагічнай рабоце ва Узброеных Сілах – начальнік Галоўнага ўпраўлення ідэалагічнай работы Міністэрства абароны Рэспублікі Беларусь Л.В.Касінскі, Начальнік Дэпартамента міжнароднага ваеннага супрацоўніцтва – памочнік Міністра абароны Рэспублікі Беларусь па пытаннях міжнароднага ваеннага супрацоўніцтва В.А.Равенка, і іншыя.

Дакументы НАРБ выклікалі непадробную цікавасць і ўвагу шматлікіх гасцей, якія ўдзельнічалі ва ўрачыстым святкаванні 100–годдзя Цэнтральнага Дома афіцэраў Узброеных Сіл Рэспублікі Беларусь.

1. Дакументальная выстава, прысвечаная 100-годдзю Цэнтральнага Дома афіцэраў

2. Дакументы НАРБ на выставе

3. Наведвальнікі выставы знаёмяцца з архіўнымі дакументамі НАРБ

4. Наведвальнікі выставы ў Цэнтральным Доме афіцэраў знаёмяцца з дакументамі НАРБ

5. Наведвальнікі выставы ў Цэнтральным Доме афіцэраў знаёмяцца з дакументамі НАРБ

6. Намеснік загадчыка аддзела НАРБ М.П.Бягун знаёміць з архіўнымі дакументамі міністра абароны Рэспублікі Беларусь В.Г.Хрэніна і памочніка міністра абароны па ідэалагічнай рабоце ў ВС – начальніка Галоўнага ўпраўлення ідэалагічнай работы Міністэрства абароны Рэспублікі Беларусь Л.В.Касінскага на выставе ў Цэнтральным Доме афіцэраў