Аб удзеле намесніка дырэктара Нацыянальнага архіва Рэспублікі Беларусь у круглым стале, арганізаваным грамадскай палатай Расійскай Федэрацыі

20 сакавіка 2025 года Камісіяй па пытаннях суверэнітэту, патрыятычных праектам і падтрымцы ветэранаў Грамадскай палаты Расійскай Федэрацыі сумесна з Іванаўскім дзяржаўным універсітэтам быў праведзены круглы стол на тэму «Роля Маршала А.М.Васілеўскага ў планаванні і каардынацыі стратэгічных аперацый у гады Вялікай Айчыннай вайны. Да 130-годдзя з дня нараджэння».

З прывітальным словам да ўдзельнікаў мерапрыемства звярнуўся член камісіі па пытаннях суверэнітэту, патрыятычных праектах і падтрымцы ветэранаў Грамадскай палаты Расійскай Федэрацыі; загадчык кафедры гісторыі Расіі Іванаўскага дзяржаўнага універсітэта, д.г.н., дацэнт У.С.Акалоцiн.

Намеснік дырэктара Нацыянальнага архіва Рэспублікі Беларусь, к.г.н. С.В.Кулінок у фармаце відэаканферэнцсувязі прадставіў даклад і прэзентацыю на тэму «Роля партызан Беларусі ў правядзенні аперацыі «Баграціён», а таксама распавёў аб падрыхтоўцы ілюстраванага зборніка дакументаў «Аперацыя «Баграціён». Партызаны беларускай зямлі…», падрыхтаванага ў рамках праекта «Бібліятэка Саюзнай дзяржавы».

1. Прывітальнае слова У.С.Акалоцiна

2. Круглы стол у фармаце відэаканферэнцсувязі

3. Удзельнікі круглага стала