Хроніка-дакументальны фільм «Аперацыя «Баграціён» дэманстраваўся на курсах павышэння кваліфікацыі кадраў органаў дзяржаўнага кіравання Віцебскай вобласці для намеснікаў старшынь гаррайвыканкамаў, кіраўнікоў адміністрацый у г.Віцебску
У адпаведнасці з абзацам 25 пункта 38 Плана падрыхтоўкі і правядзення мерапрыемстваў па святкаванні 80-й гадавіны вызвалення рэспублікі Беларусь ад нямецка-фашысцкіх захопнікаў і Перамогі савецкага народа ў Вялікай айчыннай вайне, зацверджанага Указам Прэзідэнта Рэспублікі Беларусь ад 5 кастрычніка 2009 г.№31 на аснове кінадакументаў з фондаў Беларускага дзяржаўнага архіва кінафотафонадакументаў (БДАКФФД) рэалізуецца праект «Адкрыты кінаархіў. Гэты дзень мы набліжалі як маглі».
Асноўнымі папулярызатарамі праекту ў рэгіёнах з’яўляюцца галоўныя ўпраўленню юстыцыі і архіўныя ўстановы.
У рамках рэалізацыі праекта галоўным упраўленнем юстыцыі Віцебскага аблвыканкама і Дзяржархівам Віцебскай вобласці на курсах павышэння кваліфікацыі кадраў органаў дзяржаўнага кіравання была арганізавана папулярызацыя праекта для намеснікаў старшынь гаррайвыканкамаў Віцебскай вобласці і кіраўнікоў адміністрацый у г.Віцебску.
Намеснікам дырэктара Дзяржархіва Віцебскай вобласці прачытана лекцыя «Пачатак вызвалення Віцебшчыны ад нямецка-фашысцкіх захопнікаў. 1944 г»., у рамках якой былі раскрыты мэты і задачы рэспубліканскай акцыі «Адкрыты кінаархіў. Гэты дзень мы набліжалі як маглі» і агучаная інфармацыя аб працы YouTube канала БДАКФФД.
Перад пачаткам дэманстрацыі хроніка-дакументальнага фільма «Аперацыя «Баграціён» Буевіч Таццяна коратка азнаёміла курсантаў з унікальнасцю аперацыі «Баграціён», агучыла гістарычныя факты, звязаныя з падрыхтоўкай да яе пачатку.
На фота: Уступная застаўка да паказаў кінахронікі, падрыхтаванай БДАКФФД у межах рэспубліканскай акцыі «Адкрыты кінаархіў. Гэты дзень мы набліжалі як маглі», прысвечанай Вялікай Айчыннай вайне і вызваленню Беларусі ад нямецка-фашысцкіх захопнікаў.
