Франтавы летапіс як крыніца гістарычнай праўды: у Занальны дзяржархіў у г.Маладзечна перададзены лісты салдата Чырвонай Арміі Міхаіла Шаўчэнкі

У Занальны дзяржархіў у г.Маладзечна перададзеныя лісты салдата Чырвонай Арміі Міхаіла Шаўчэнкі. Некалькі гадоў іх захоўвала ў сябе журналіст Алеся Ушакова. Ваенная перапіска ёй была падораная сваякамі салдата.

Шаўчэнка Міхаіл Рыгоравіч нарадзіўся 13 кастрычніка 1921. У перададзенай карэспандэнцыі значыцца: чырвонаармеец»загінуў у баі за сацыялістычную радзіму, праявіўшы вернасць прысязе, геройства і мужнасць». Яму было ўсяго 20 гадоў. Калі родныя атрымалі апошнюю вестку з фронту, іх Міша быў ужо мёртвы.

Франтавыя лісты-гэта унікальныя крыніцы, якія дазваляюць зірнуць на вайну праз прызму асабістых гісторый. У іх адлюстраваны эмоцыі, думкі і бытавыя дэталі жыцця салдат, якія не заўсёды можна знайсці ў афіцыйных дакументах або падручніках гісторыі. Лісты Міхаіла Шаўчэнкі, адрасаваныя яго родным з Маладзечна, паказваюць, як малады чалавек, які апынуўся ў эпіцэнтры страшных падзей, працягваў клапаціцца пра блізкіх, марыў пра перамогу і верыў у лепшае. Такія дакументы дапамагаюць захаваць памяць пра подзвіг кожнага салдата, чыё жыццё было аддадзена за вызваленне Радзімы.

Дырэктар архіва І.З.Пудакевіч адзначыла: «Перадача франтавых лістоў маладога салдата Чырвонай Арміі Міхаіла Рыгоравіча Шаўчэнкі ў Занальны дзяржаўны архіў У г.Маладзечна — гэта важны крок у захаванні гістарычнай памяці і праўды. Гэта не проста асабістыя дакументы, але і каштоўныя гістарычныя сведчанні, якія адлюстроўваюць дух часу, перажыванні, надзеі і імкнення савецкіх салдат. Абяцаем забяспечыць прафесійнае захоўванне лістоў, каб яны маглі стаць даступнымі для даследчыкаў, гісторыкаў і ўсіх, хто цікавіцца гісторыяй Вялікай Айчыннай вайны».

Подзвіг савецкіх салдат, такіх як Міхаіл Шаўчэнка, немагчыма пераацаніць. Кожны ліст, кожная фатаграфія, кожны дакумент-гэта напамін пра тое, якой цаной была дасягнута Перамога. Захоўваючы гэтыя сведчанні, мы аддаём даніну павагі тым, хто аддаў свае жыцці за мір і свабоду.

1. Алеся Ушакова з франтавымі лістамі.

2. Франтавыя лісты.

3. Франтавыя лісты.