Архіўная служба і дзяржаўныя архівы Брэсцкай вобласці адзначылі 85-годдзе з дня стварэння

Архіўная служба і дзяржаўныя архівы Брэсцкай вобласці адлічваюць сваю гісторыю з даты прыняцця пастановы Савета Народных Камісараў БССР «Аб арганізацыі архіўнай справы ў Баранавіцкай, Пінскай, Вілейскай, Брэсцкай і Беластоцкай абласцях БССР» – 11 лютага 1940 года.

Урачыстыя мерапрыемствы прайшлі 14 лютага 2025 года ў г.Пінску.

Архівістаў Брэстчыны павіншавалі першы намеснік начальніка галоўнага ўпраўлення юстыцыі Брэсцкага аблвыканкама Яна Сцельмашук, кіраўнік спраў Пінскага гарвыканкама Ігар Берасцень, старшыня Пінскай гарадской арганізацыі прафсаюза работнікаў дзяржаўных і іншых устаноў Аліна Валасевіч.

Прывітальны адрас архівам-юбілярам накіраваў Дэпартамент па архівах і справаводстве Міністэрства юстыцыі Рэспублікі Беларусь.

У рамках мерапрыемства была прадэманстравана відэапрэзентацыя аб развіцці дзяржархіваў вобласці ў 2020-2024 гг.

За шматгадовую добрасумленную працу, высокі прафесіяналізм, вялікі ўклад у арганізацыю і развіццё архіўнай справы ў Брэсцкай вобласці былі ўручаны ўзнагароды 25 кіраўнікам і работнікам дзяржаўных архіваў вобласці (нагрудныя знакі «Ганаровы архівіст Беларусі», Падзякі Дэпартамента па архівах і справаводстве, Граматы Брэсцкага абласнога Савета дэпутатаў і Брэсцкага абласнога выканаўчага камітэта, Падзячны ліст Брэсцкага абласнога выканаўчага камітэта, Ганаровыя граматы Пінскага гарадскога Савета дэпутатаў і Пінскага гарадскога выканаўчага камітэта, Баранавіцкага гарадскога Савета дэпутатаў, Ганаровыя граматы і Падзякі галоўнага ўпраўлення юстыцыі Брэсцкага аблвыканкама, а таксама Граматы Брэсцкай абласной і Пінскай гарадской арганізацый Беларускага прафсаюза.

11 лютага 2025 года з нагоды юбілею адбыўся ўрачысты сход калектыву Дзяржаўнага архіва Брэсцкай вобласці з удзелам ветэранаў архіва.

Да дня святкавання 85-годдзя ўтварэння Дзяржаўнага архіва Брэсцкай вобласці супрацоўнікамі архіва арганізавана выстаўка дакументаў, прысвечаная гэтай падзеі.

На выстаўцы прадстаўлены дакументы і фатаграфіі, якія адлюстроўваюць асноўныя вехі гісторыі Дзяржаўнага архіва Брэсцкай вобласці, пачынаючы з моманту яго стварэння, да гэтага часу.

Выстаўка экспануецца ў фае будынка архіва па вул. В.Харужай,15.

1. Падчас урачыстага мерапрыемства

2. Першы намеснік начальніка галоўнага ўпраўлення юстыцыі Брэсцкага аблвыканкама Я.Ф.Сцельмашук уручае Прывітальны адрас Дэпартамента па архівах і справаводстве дырэктару занальнага дзяржархіва ў г.Пінску В.С.Ганчар

3. Узнагароджанне дырэктара Дзяржаўнага архіва Брэсцкай вобласці Г.Г.Карапузавай Ганаровай граматай Брэсцкага абласнога выканаўчага камітэта

4. Узнагароджанне вядучага архівіста Дзяржаўнага архіва Брэсцкай вобласці Г.С.Калядзіч нагрудным знакам «Ганаравы архівіст Беларусі»

5. Узнагароджанне вядучага архівіста Дзяржаўнага архіва Брэсцкай вобласці А.М.Зайцава нагрудным знакам «Ганаравы архівіст Беларусі»

6. Узнагароджанне заг. аддзела выкарыстання і публікацыі дакументаў Дзяржаўнага архіва Брэсцкай вобласці Г.Д.Калуставай Падзякай Дэпартамента па архівах і справаводстве

7. Удзельнікі мерапрыемства на фоне будынка занальнага дзяржархіва ў г.Пінску, у якім у 2024 годзе праведзены капітальны рамонт фасадаў

8. Найстарэйшыя работнікі і ветэраны Дзяржаўнага архіва Брэсцкай вобласці

9. Выстаўка, прысвечаная 85-годдзю ўтварэння Дзяржаўнага архіва Брэсцкай вобласці