Аб наведванні вучнямі 9-га класа школы №20 г.Брэста Дзяржаўнага архіва Брэсцкай вобласці

3 лютага 2025 г. у рамках акцыі «Архівы – школе» Дзяржаўны архіў Брэсцкай вобласці наведалі вучні 9-га класа ДУА «Сярэдняя школа №20 г.Брэста імя Героя Савецкага Саюза Д.М.Карбышава».

Супрацоўнікі аддзела выкарыстання і публікацыі дакументаў пазнаёмілі дзяцей з гісторыяй дзяржархіва Брэсцкай вобласці, расказалі аб складзе дакументаў, якія захоўваюцца ў ім. Найбольшую цікавасць у вучняў выклікалі дакументы, якія сведчаць аб генацыдзе насельніцтва ў гады акупацыі.

У завяршэнне лекцыі вучням быў прадэманстраваны фільм «Да 80-й гадавіны вызвалення горада Брэста ад нямецка-фашысцкіх захопнікаў», прадстаўлены Беларускім дзяржаўным архівам кінафотафонадакументаў.

У ходзе азнаямленчай экскурсіі па архіве вучні таксама наведалі архівасховішча і лабараторыю па рамонце і рэстаўрацыі архіўных дакументаў.

1. Загадчык аддзела выкарыстання і публікацыі дакументаў Галіна Калустава расказвае вучням аб дакументах архіва

2. Падчас лекцыі

3. Падчас прагляду фільма

4. Архівіст ΙΙ кваліфікацыйнай катэгорыі Наталля Якута расказвае школьнікам аб умовах захоўвання архіўных дакументаў

5. У лабараторыі па рамонце і рэстаўрацыі архіўных дакументаў