Супрацоўнікі Дзяржаўнага архіва Віцебскай вобласці прынялі ўдзел у прэзентацыі выдання «Кніга памяці. Рэспубліка Беларусь. Віцебская вобласць»

Мерапрыемства адбылося Віцебскай абласной бібліятэцы імя У.І. Леніна. Выданне прадставіў адзін з аўтараў артыкулаў кнігі, член рэдкалегіі, выкладчык Віцебскага кадэцкага вучылішча, кандыдат гістарычных навук, дацэнт Мікалай Васільевіч Півавар, асабісты фонд якога захоўваецца ў Дзяржаўным архіве Віцебскай вобласці.

У кнізе змешчаны матэрыялы аб воінскіх пахаваннях, месцах масавага пахавання людзей, знішчаных падчас нацысцкай палітыкі генацыду ў гады Вялікай Айчыннай вайны, архіўныя, фотаматэрыялы па раёнах Віцебскай вобласці.

На фота: Супрацоўнікі Дзяржархіва Віцебскай вобласці на прэзентацыі выдання