Экскурсія ў БДАМЛМ для супрацоўнікаў Музея гісторыі Беларускай чычункі

23 студзеня 2025 года ў Беларускім дзяржаўным архіве-музеі літаратуры і мастацтва прайшла займальная экскурсія, якую для супрацоўнікаў Музея гісторыі Беларускай чыгункі Цэнтра навукова-тэхнічнай інфармацыі Беларускай чыгункі правяла вядучы архівіст Н.А.Мізон.

Наталля Мізон раскрыла сакрэты працы архіва-музея і распавяла пра яго значэнне для захавання культурнай спадчыны.

Падчас экскурсіі па выставе «Беларусьфільм: для дзяцей і пра дзяцей» Наталля Аляксандраўна пазнаёміла гасцей з багатай гісторыяй беларускага дзіцячага кіно і дзейнасцю кінастудыі, што пакінула яркі след у культурным жыцці краіны.

Госці падзякавалі за глыбокую і змястоўную экскурсію, адзначыўшы, што такое ўзаемадзеянне паміж установамі культуры і архівамі дапамагае лепш разумець агульную гісторыю і спрыяе развіццю новых ідэй для сумесных праектаў.

1. Экскурсія па выставе «Беларусьфільм: для дзяцей і пра дзяцей»

2. Фрагмент выставы «Беларусьфільм: для дзяцей і пра дзяцей»