У Нацыянальным архіве Рэспублікі Беларусь падведзены вынікі работы за 2024 год

Апублікавана: 22 студзеня 2025 г.

21 студзеня 2025 года ў Нацыянальным архіве Рэспублікі Беларусь (далей – НАРБ) адбылося пашыранае пасяджэнне дырэкцыі па выніках працы за 2024 год і планах на 2025 год.

З падрабязным дакладам выступіў дырэктар НАРБ А.К.Дземянюк. Ён падвёў вынікі працы архіва па ўсіх асноўных напрамках дзейнасці: камплектаванне, улік, забеспячэнне захаванасці, удасканаленне навукова-даведачнага апарата, выкарыстанне, аблічбоўка, умацаванне матэрыяльна-тэхнічнай базы, праца з кадрамі. Андрэй Канстанцінавіч падзякаваў калектыву архіва за выкананне і перавыкананне ўсіх асноўных паказчыкаў у рабоце, даў рэкамендацыі і паставіў задачы на 2025 год.

Першы намеснік дырэктара Дэпартамента па архівах і справаводстве Міністэрства юстыцыі Рэспублікі Беларусь В.А.Ледаўская станоўча ацаніла праведзеную архівістамі НАРБ працу на працягу 2024 года і падзякавала ім за працу. Вольга Аляксандраўна спынілася і на праблемных пытаннях, а таксама вызначыла асноўныя напрамкі ў рабоце на 2025 год.

Па выніках года пашыранай дырэкцыяй прынята рашэнне прызнаць працу НАРБ за 2024 год здавальняючай.

У заключнай частцы дырэкцыі адбылося ўзнагароджанне работнікаў архіва. Ганаровай граматай Дэпартамента па архівах і справаводстве Міністэрства юстыцыі Рэспублікі Беларусь узнагароджана загадчык аддзела справаводства і фарміравання НАФ Т.А.Шаўчэнка, падзякамі Дэпартамента – навуковы супрацоўнік аддзела публікацый М.Е.Тумаш і вядучы архівіст аддзела справаводства і фарміравання НАФ А.М.Стасенка. Ганаровымі граматамі НАРБ ўзнагароджаны Баранава Т.А., Гарсія Прыходзька Л.В., Грыцавец Д.В., Курдзека Т.I., Ляшчэня I.I., Сямёнава Т.А., Шагаева З.С.

Падзякамі НАРБ адзначаны Бароўская В.М., Брылёва Т.I., Гарматны В.П., Дунаеў Д.Г., Дудчык Т.С., Жуковіч В.Ю., Конанава П.Я., Малашкевіч І.А. Пецюкевіч Т.У.