Аб сустрэчы калектыву Беларускага дзяржаўнага архіва кінафотафонадакументаў са старшынёй Мінскай абласной арганізацыі Беларускага прафесійнага саюза работнікаў дзяржаўных і іншых устаноў У.М.Філімонавым

Апублікавана: 14 студзеня 2025 г.

14 студзеня 2025 г. адбылася сустрэча калектыву БДАКФФД са старшынёй Мінскай абласной арганізацыі Беларускага прафесійнага саюза работнікаў дзяржаўных і іншых устаноў Уладзімірам Мікалаевічам Філімонавым.

У час сустрэчы былі разгледжаны пытанні, якія датычацца структуры і колькасці прафсаюзнай арганізацыі, а таксама пытанні, звязаныя з прафсаюзнай дзейнасцю – арганізацыя спартыўна-масавых мерапрыемстваў, турыстычна-экскурсійная работа, аздараўленне членаў прафсаюза ў прафсаюзных санаторыях і ў час тураў выхаднога дня.

Асаблівая ўвага ў час сустрэчы была ўдзелена пытанню аб электаральнай кампаніі, якая мае адбыцца ў краіне.

Напрыканцы сустрэчы старшыні Мінскай абласной арганізацыі Беларускага прафесійнага саюза работнікаў дзяржаўных і іншых устаноў У.М.Філімонаву была ўручана сувенірная кніга «Беларускі дзяржаўны архіў кінафотафонадакументаў». Затым дырэктар архіва А.М.Ганчар і старшыня прафкама А.І.Траццяк азнаёмілі У.М.Філімонава з работай архіва, накіраванай на захаванне аўдыёвізуальнай спадчыны Рэспублікі Беларусь, а таксама абмеркавалі пытанні супрацоўніцтва паміж Беларускім дзяржаўным архівам кінафотафонадакументаў і Беларускім прафесійным саюзам работнікаў дзяржаўных і іншых устаноў.

1. Старшыня Мінскай абласной арганізацыі Беларускага прафесійнага саюза работнікаў дзяржаўных і іншых устаноў У.М. Філімонаў падчас сустрэчы з калектывам БДАКФФД, 14 студзеня 2025 г.