Занальны дзяржаўны архіў у г.Рэчыцы: падвядзенне вынікаў працы за 2024 год

Апублікавана: 9 студзеня 2025 г.

8 студзеня 2025 года Занальны дзяржаўны архіў у г.Рэчыцы наведалі першы намеснік начальніка галоўнага ўпраўлення юстыцыі Гомельскага аблвыканкама Андрэй Анатольевіч Гуржый і кіраўнік спраў Рэчыцкага райвыканкама Святлана Анатольеўна Пташнік. Таксама з дапамогай відэаканферэнцсувязі прысутнічала начальнік аддзела справаводства, фарміравання і забеспячэння захаванасці НАФ Дэпартамента па архівах і справаводству Міністэрства юстыцыі Рэспублікі Беларусь Вольга Уладзіміраўна Заянчкоўская.

Падчас падвядзення вынікаў дырэктар архіва Наталля Мікалаеўна Пішчык расказала аб асноўных дасягненнях калектыва ў працы за 2024 год і акрэсліла задачы на бягучы год. Андрэй Анатольевіч падзякаваў Наталлі Мікалаеўне і архівістам за зладжаную працу і пажадаў поспехаў у наступіўшым 2025 годзе.

Прыемным момантам у мерапрыемстве па падвядзенні вынікаў было ўзнагароджанне Падзякай галоўнага ўпраўлення юстыцыі Гомельскага аблвыканкама за шматгадовую добрасумленную працу галоўнага бухгалтара архіва Марыны Дзмітрыеўны Аляксеенкі.

1-2. Дырэктар ЗДА ў г.Рэчыцы Н.М.Пішчык інфармуе аб выніках працы архіва за 2024 г.

3-4. Першы намеснік начальніка галоўнага ўпраўлення юстыцыі Гомельскага аблвыканкама А.А.Гуржый, кіраўнік спраў Рэчыцкага райвыканкама С.А.Пташнік і калектыў ЗДА ў г.Рэчыцы падчас падвядзення вынікаў работы архіва за 2024 г.

5. А.А.Гуржый уручае Падзяку галоўнага ўпраўлення юстыцыі Гомельскага аблвыканкама галоўнаму бухгалтару ЗДА ў г.Рэчыцы М.Д.Аляксеенка.