Віртуальная выстава да 100-годдзя беларускага кіно

17 снежня 2024 г. беларускі кінематограф адзначае сваё 100-годдзе. Калекцыя фільмаў айчыннай вытворчасці разнастайная па сваім тэматычным змесце: дзіцячае кіно, стужкі ваеннай тэматыкі, дакументальнае і анімацыйнае кіно, якое заваёўвае самыя прэстыжныя ўзнагароды на розных міжнародных фестывалях і конкурсах. Айчынны кінематограф з’яўляецца значным пластом культуры Беларусі.

У рамках святочных мерапрыемстваў, прымеркаваных да 100-годдзя беларускага кіно, Нацыянальным архівам Рэспублікі Беларусь была падрыхтавана віртуальная выстава, прысвечаная гэтай знамянальнай даце. Яна раскрывае тэму зараджэння, асаблівасцяў развіцця нацыянальнага кінематографа ў разрэзе розных гістарычных этапаў нашай краіны, а таксама адлюстроўвае працэсы і дынаміку развіцця айчыннага кінематографа на сучасным этапе.

Выстава «Залаты век беларускага кіно» запрашае ўсіх жадаючых акунуцца ў зачаравальны свет кінематографа.

Азнаёмiцца з выставай можна па спасылцы.

На фота: Банер віртуальнай выставы «Залаты век беларускага кіно»