Адзіны дзень адчыненых дзвярэй

Апублікавана: 13 верасня 2024 г.

12 верасня 2024 года ў рамках Адзінага дня адчыненых дзвярэй, прымеркаванага да Года якасці, Дзяржархіў у г.Оршы адчыніў свае дзверы для ўсіх жадаючых азнаёміцца з яго дзейнасцю.

У гэты дзень увазе наведвальнікаў былі прадстаўлены: выстаўка архіўных дакументаў «Аршанскі льнокамбінат. Шлях да якасці і сусветнага прызнання»; віртуальная выстава «Летапіс зямлі Дубровенскай», спецыялісты архіва правялі майстар-клас па картанаванні спраў і фарміраванні спраў у звязках.

Госці даведаліся пра склад фондаў, азнаёміліся з работай чытальнай залы, наведалі архівасховішчы, для прадстаўнікоў арганізацый праводзіліся кансультацыі па пытаннях архіўнай справы і справаводства. У канцы сустрэчы госці змаглі задаць пытанні і атрымаць адказы спецыялістаў архіва.