Удзел БДАМЛМ у анлайн-сустрэчы, прысвечанай Алесю Адамовічу

5 верасня 2024 года дырэктар установы «Беларускі дзяржаўны архіў-музей літаратуры і мастацтва» (далей – БДАМЛМ) А.А.Макаранка і ветэран архіва-музея, былая загадчыца аддзела навуковага апісання дакументаў асабістага паходжання, ганаровы архівіст Беларусі В.Я.Данекіна прынялі ўдзел у анлайн-гутарцы, прысвечанай пісьменніку, кінасцэнарысту, доктару філалагічных навук, прафесару Аляксандру Міхайлавічу Адамовічу, арганізаванай на базе муніцыпальнай бібліятэкі Ніжагародскага раёна горада Ніжняга Ноўгарада.

Мерапрыемства прайшло ў межах акцыі «Дыялог культур – шлях да духоўнага ўзаемаразумення народаў». Падчас анлайн-гутаркі А.А.Макаранка распавяла пра гісторыю і асноўныя напрамкі дзейнасці БДАМЛМ, у прыватнасці аб рабоце па зборы, захоўванні і папулярызацыі фондаў асабістага паходжання. В.Я.Данекіна падзялілася сваімі ўспамінамі пра сяброўства з сям’ёй беларускага пісьменніка, сцэнарыста, крытыка Аляксандра Міхайлавіча Адамовіча. Асаблівая ўвага была ўдзелена біяграфічным звесткам пісьменніка, які перажыў партызанскі вопыт падлеткам і ніколі не пазбавіўся ад жаху вайны захапіўшага яго душу. А.М.Адамовіч назаўжды запомніў, як партызаны, паклаўшы бруд у хустачку, выціскалі з яе ваду, як плавілі самалётную ашалёўку і рабілі з яе лыжкі, як самі здабывалі сабе зброю, здымаючы яго з мёртвага ворага. Але ён выжыў. Стаў найвялікшым пацыфістам і гуманістам. Ён бачыў, адчуваў, пражываў самыя балючыя старонкі нашай гісторыі настолькі глыбока і пранізліва, што стаў ужо не проста літаратарам і публіцыстам, а чалавекам, пра якога прынята казаць «сумленне нацыі».

Анлайн-гутарка дае магчымасць шырэй пазнаёміцца з творчасцю А.М.Адамовіча — аўтарам вядомых кніг пра вайну «Вайна пад стрэхамі», «Сыны сыходзяць у бой», «Хатынская аповесць», «Я з вогненнай вёскі» (у суаўтарстве з Янкам Брылем і Уладзімірам Калеснікам) і інш.

Падрабязнасці сустрэчы па спасылцы.

Фота 1. Дырэктар установы «Беларускага дзяржаўнага архіва-музея літаратуры і мастацтва» А.А.Макаранка і ганаровы архівіст Беларусі В.Я.Данекіна падчас анлайн-сустрэчы, арганізаванай на базе муніцыпальнай бібліятэкі Ніжагародскага раёна горада Ніжняга Ноўгарада

Фота 2. А.А.Макаранка і В.Я.Данекіна падчас анлайн-гутаркі «Успамінаючы Адамовіча…» у межах акцыі «Дыялог культур – шлях да духоўнага ўзаемаразумення народаў».