Наведванне Нацыянальным гістарычным архівам Беларусі сярэдняй школы № 27 г. Мінска ў Дзень ведаў

2 верасня 2024 г. у рамках рэспубліканскай акцыі «Архівы – школе» прадстаўнікі НГА Беларусі наведалі ДУ «Сярэдняя школа № 27» г. Мінска.

Дырэктар НГА Беларусі Міхаіл Глушакоў стаў госцем на ўрачыстай лінейцы, прысвечанай пачатку новага навучальнага года.

Загадчык аддзела навукова-даследчай і публікацыйнай дзейнасці Сяргей Рындзін правёў для вучняў сярэдніх класаў першы ўрок на тэму «Нам ёсць чым ганарыцца, нам ёсць што берагчы». Занятак прайшоў у актавай зале школы. Тэма першага урока, вызначаная Міністэрствам адукацыі Рэспублікі Беларусь, мае сваёй мэтай ўмацаванне патрыятызму сярод юных грамадзян у Год якасці і 80-годдзя вызвалення Беларусі ад нямецка-фашысцкіх захопнікаў.

С.Рындзін асвятліў асноўныя дасягненні нашай краіны за гады незалежнасці ў розных сферах: прамысловасць, сельская гаспадарка, харчовая бяспека, касмічныя даследаванні, энергетыка, транспарт, медыцына, адукацыя, фізкультура і спорт, культура.

Асаблівая ўвага была звернута на велізарныя дакументальныя багацці, якія захоўвае НГА Беларусі. Яны дазваляюць даследаваць мінуўшчыну нашай Радзімы з сярэдніх вякоў да пачатку ХХ ст. Грамадзяне і госці нашай краіны могуць вывучаць уласны радавод па дакументах архіва.

У канцы занятка С.Рындзін перадаў школе памятны падарунак – навукова-папулярную кнігу «Захоўваць вечна. Старонкі мінуўшчыны і сучаснасці Нацыянальнага гістарычнага архіва Беларусі», выдадзеную ў 2023 г. і прымеркаваную да 85-годдзя архіва.

НГА Беларусі выказвае шчырую падзяку навучэнцам і педагагічнаму калектыву сярэдняй школы № 27 г. Мінска (і асабіста дырэктару Марыне Барысаўне Міхайлічэнка) за гасцінны прыём.

1. Дырэктар НГА Беларусі Міхаіл Глушакоў на ўрачыстай лінейцы, прысвечанай пачатку новага навучальнага года

2. Работнік НГА Беларусі Сяргей Рындзін разам з вучнямі сярэдняй школы № 27

3. С.Рындзін праводзіць першы урок

4. С.Рындзін праводзіць першы урок