Дырэктар дзяржаўнага архіва грамадскіх аб’яднанняў Гомельскай вобласці прыняла ўдзел у прэзентацыі фотаальбома «Гомельшчына гераічная»

14 чэрвеня дырэктар дзяржаўнага архіва грамадскіх аб’яднанняў Гомельскай вобласці Жынёва I.У. прыняла ўдзел у прэзентацыі фотаальбома «Гомельшчына гераічная», якая адбылася ў Гомельскім абласным музеі ваеннай славы.

Фотаальбом «Гомельшчына гераічная» – сумесны праект аблвыканкама і абласной газеты «Гомельская праўда». У кожнай яго старонцы не толькі боль страты, але і пакланенне перад бяспрыкладным подзвігам вызваліцеляў. На тэрыторыі вобласці звыш 1200 пахаванняў воінаў, партызан і ахвяр вайны, 667 помнікаў воінскай славы. З усімі гэтымі гістарычнымі месцамі і знаёміць чытача выданне.

На 200 старонках сабрана інфармацыя аб пахаваннях байцоў Чырвонай Арміі, якія загінулі падчас вызвалення рэгіёна, а таксама Героях Савецкага Саюза, якія атрымалі гэтае званне за здзейсненыя на тэрыторыі вобласці подзвігі.

1. Падчас прэзентацыі альбома дырэктара ГАООГО – I.В.Жинева і ГАГО – А.М.Сушчэвіч

2. Падчас прэзентацыі альбома

3. Фотаальбом «Гомельшчына гераічная»

4. Галоўны рэдактар КУП «Рэдакцыя газеты» Гомельская праўда» Бяспалы Сяргей Міхайлавіч падчас выступу