Аб падвядзенні вынікаў рэспубліканскай акцыі «Архівы школе» ўстановай «Дзяржаўны архіў Гомельскай вобласці»

14 чэрвеня 2024 г. ва ўстанове «Дзяржаўны архіў Гомельскай вобласці» (далей – ДАГв) адбылася вытворчая нарада кіраўнікоў структурных падраздзяленняў архіва.

Адкрыў мерапрыемства дырэктар ДАГв Андрэй Мікалаевіч Сушчэвіч. У сваёй уступнай прамове ён адзначыў, што абласны архіў працягвае ўзаемадзейнічаць з установамі адукацыі ў рамках рэспубліканскай акцыі «Архівы школе», арганізуючы правядзенні мерапрыемстваў, накіраваных на інфармацыйную асвету і патрыятычнае выхаванне школьнікаў на аснове матэрыялаў ДАГв.

З дакладам аб падвядзенні вынікаў рэспубліканскай асветніцкай акцыі «Архівы школы» за першае паўгоддзе выступіла загадчык аддзела інфармацыі, публікацыі і выкарыстання дакументаў ДАГв Зоя Анатольеўна Аляксандравіч. У сваім выступленні яна праінфармавала прысутных аб выніках праведзенай работы ў рамках гэтай акцыі.

Даклад Зоі Анатольеўны Аляксандравіч суправаджаўся фатаграфіямі і відэасюжэтамі.

Па выніках даклада дырэктар абласнога архіва Андрэй Мікалаевіч Сушчэвіч адзначыў станоўчую работу аддзела, яго значны ўклад у інфармаванне насельніцтва, перш за ўсё дзяцей і моладзі, з мэтай захавання гістарычнай памяці аб гераізме і мужнасці нашага народа ў гады Вялікай Айчыннай вайны.

Відэасюжэт аб рабоце ДАГв, якая праводзіцца ў рамках рэспубліканскай акцыі «Архівы школе».

1. Выступленне загадчыка аддзела інфармацыі, публікацыі і выкарыстання дакументаў З.А.Аляксандровіч

2. Падчас вытворчай нарады

3. Адно з мерапрыемстваў, якія праводзяцца ў рамках акцыі «Архівы школе» ДАГв