Круглы стол «Мы памятаем, мы ганарымся!» у Інстытуце эканомікі Нацыянальнай акадэміі навук Беларусі

8 мая ў Інстытуце эканомікі Нацыянальнай акадэміі навук Беларусi адбыўся круглы стол «Мы памятаем, мы ганарымся!», прымеркаваны да Дня Перамогі. З прывітальным словам да ўдзельнікаў Форуму звярнуўся дырэктар Інстытута эканомікі Д.В.Муха. Ён распавёў пра тую працу, якую праводзіць iнстытут па захаванні гістарычнай памяці.

Дырэктар Навукова-практычнага цэнтра праблем умацавання законнасці і правапарадку Генеральнай пракуратуры Рэспублікі Беларусь, к.ю.н. I.А.Мароз выступіў з грунтоўным дакладам на тэму «Нацыянальныя героі і псеўдагероі перыяду Вялікай Айчыннай вайны: гісторыка-прававы аналіз».

Намеснік дырэктара Нацыянальнага архіва Рэспублікі Беларусь, к.г.н. С.В.Кулінок прадставіў выступленне на тэму «Партызаны ў аперацыі «Баграціён», у якім падрабязна спыніўся на ўдзеле «лясных салдат» у вызваленні нашай рэспублікі летам 1944 года.

Таксама былі агучаны даклады работнікаў Інстытута эканомікі.

1. Удзельнікі круглага стала «Мы памятаем, мы ганарымся!»

2. Прывітальнае слова дырэктара Інстытута эканомікі Д.В.Мухі

3. Выступленне намесніка дырэктара НАРБ С.В.Кулінка