Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь

10 мая 2024 года ў Міністэрстве юстыцыі Рэспублікі Беларусь адкрылася дакументальная выстава, прысвечаная Дню Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.

Кожнаму чалавеку павінны быць добра вядомыя сімвалы дзяржавы, у якой ён жыве – сцяг, герб, гімн. Бо яны суправаджаюць нас усё жыццё. Кожная падзея дзяржаўнага маштабу адбываецца пад ценем гэтых знакаў.

Дзяржаўныя сімвалы з дапамогай простых і зразумелых сродкаў адлюстроўваюць патрыятычныя, гістарычныя і культурныя традыцыі краіны, характар народа, яго духоўны патэнцыял. Яны надзелены яркімі рысамі і лёгка пазнавальнымі сярод усіх дзяржаўных сімвалаў сусветнай супольнасці, гэта гісторыя і будучыня беларускай дзяржавы, увасабленне ідэі нацыянальнага адзінства, важнейшыя атрыбуты суверэнітэту і незалежнасці Айчыны.

Нацыянальны архіў прадставіў на выставе ўнікальныя дакументы па гісторыі стварэння сцяга, герба і гімна нашай краіны:

– Пратаколы пасяджэнняў Савета Народных Камісараў за 1926, 1927 гг. аб зацвярджэнні праектаў гербаў БССР;

– Пратакол пасяджэння Бюро ЦК КП (б) Б аб гімне Беларускай ССР ад 10 чэрвеня 1947 г.; тэхнічныя ўмовы на дзяржаўны сцяг БССР 1951 г.;

– Пастанова Кабінета Міністраў Рэспублікі Беларусь аб вырабе і выкарыстанні выявы Дзяржаўнага герба Рэспублікі Беларусь ад 7 жніўня 1995 г.;

– Пастанова Савета Міністраў Рэспублікі Беларусь аб конкурсе на стварэнне новага дзяржаўнага гімна Рэспублікі Беларусь ад 14 лютага 2002 г.;

– Закон Рэспублікі Беларусь «Аб дзяржаўных сімвалах Рэспублікі Беларусь» ад 5 ліпеня 2004 г.;

– Эталоны Дзяржаўнага сцяга і Дзяржаўнага герба Рэспублікі Беларусь 2021 года.

Вядучы архівіст Нацыянальнага архіва Рэспублікі Беларусь В.П.Гарматны пазнаёміў з выставай ўсіх прысутных.

1. Банэр выставы

2. Частка экспазіцыі выставы

3. Экспазіцыя выставы

4. В.П.Гарматны знаёміць супрацоўнікаў міністэрства з экспазіцыяй выставы

5. Наведвальнікі выставы