Дзяржаўны архіў Мінскай вобласці прыняў удзел у інфармацыйна-асветніцкім праекце ў Дзень Канстытуцыі
15 сакавіка 2024 года ў гонар 30-годдзя Канстытуцыі Рэспублікі Беларусь у ГЦ »Сталіца» запусцілі гарадскі інфармацыйна-асветніцкі праект «Адкрытае веданне».
Для гасцей выступілі аўтарытэтныя эксперты. Спікерамі сталі дэпутат Палаты прадстаўнікоў 8-га склікання, гендырэктар Нацыянальнай бібліятэкі і старшыня праўлення РДГА «Беларускае таварыства «Веды» Вадзім Гігін; дэпутат Палаты прадстаўнікоў 8-га склікання, старшыня Беларускай партыі «Белая Русь» і аднайменнага грамадскага аб’яднання Алег Раманаў; намеснік дырэктара Навукова-практычнага цэнтра праблем умацавання законнасці і правапарадку Генеральнай пракуратуры, член Канстытуцыйнай камісіі Арцём Пухаў; генеральны дырэктар БелТА Ірына Акуловіч; гендырэктар агенцтва «Мінск-Навіны», старшыня Праўлення Беларускага саюза журналістаў, дэпутат Мінгарсавета Андрэй Крывашэеў і дырэктар Інстытута сацыялогіі НАН, кандыдат сацыялагічных навук, дацэнт Мікалай Мыслівец.
Задаць пытанні экспертам прыйшлі школьнікі і студэнты, а таксама жыхары сталіцы. Ва ўрачыстай абстаноўцы школьнікам, якія дасягнулі 14 гадоў, уручылі пашпарты і памятныя сувеніры.
У рамках мерапрыемства Дзяржаўны архіў Мінскай вобласці прадэманстраваў выставу дакументаў, якія адлюстроўваюць некаторыя этапы гісторыі Асноўнага Закона краіны.
