БДАМЛМ на юбілеі Нацыянальнага мастацкага музея Рэспублікі Беларусь

24 студзеня 2024 года работнікі Беларускага дзяржаўнага архіва-музея літаратуры і мастацтва наведалі ўрачыстае адкрыццё выставы «Мастацкаму 85. Афішы і фотаздамкі», прысвечанай юбілейнаму году Нацыянальнага мастацкага музея Рэспублікі Беларусь.

У адпаведнасці з пастановай Савета Народных Камісараў БССР ад 24 студзеня 1939г. была створана Карцінная галерэя БССР, адкрыццё якой адбылося ў лістападзе 1939 г.На сённяшні дзень Нацыянальны мастацкі музей Рэспублікі Беларусь з’яўляецца найбуйнейшым у краіне захавальнікам нацыянальнага і замежнага мастацтва (больш за 30 тыс. прадметаў мастацтва) і пастаянным партнёрам па выставачных праектах Беларускага дзяржаўнага архіва-музея літаратуры і мастацтва.

Сярод віншаванняў гучалі словы дырэктара Беларускага дзяржаўнага архіва-музея літаратуры і мастацтва А.А.Макаранка, былога генеральнага дырэктара Нацыянальнага мастацкага музея, мастака і Заслужанага дзеяча мастацтваў Рэспублікі Беларусь В.І.Пракапцова, скульптара, народнага мастака Беларусі І.Я.Міско.

Далучыліся да святкавання і адкрыцця выставы дырэктар Нацыянальнага Цэнтра Сучасных Мастацтваў С.Я.Крыштаповіч, дырэктар Дзяржаўнага культурна-мемарыяльнага музея Якуба Коласа І.В.Мацяс, галоўны рэдактар часопіса «Роднае слова» Н.М.Шапран і іншыя.