Аб правядзенні ва ўстанове «Беларускі дзяржаўны архіў кінафотафонадакументаў» сходу працоўнага калектыву па выніках працы ў 2023 годзе

17 студзеня 2024 г.з удзелам дырэктара Дэпартамента па архівах і справаводстве Міністэрства юстыцыі Рэспублікі Беларусь А.Л.Воінава ў БДАКФФД адбыўся сход працоўнага калектыву, на якім былі падведзены вынікі работы ў 2023 годзе і намечаны задачы на 2024 год. У сваім дакладзе дырэктар архіва А.М.Ганчар падвёў вынікі па ўсіх напрамках дзейнасці, адзначыў работу кожнага падраздзялення, даў ацэнку работы і намеціў задачы на наступны перыяд. Адмысловая ўвага была нададзена пытанням працы ва ўмовах правядзення капітальнага рамонту, умацаванні матэрыяльна-тэхнічнай базы архіва, кадравай палітыцы.

Дырэктар Дэпартамента па архівах і справаводству Міністэрства юстыцыі Рэспублікі Беларусь А.Л.Воінаў даў станоўчую характарыстыку прадстаўленаму дакладу, звярнуў увагу на правільны структурны падыход падачы інфармацыі па ацэнцы дзейнасці архіва. Пры гэтым Алег Леанідавіч указаў на неабходнасць строгага захавання выканальніцкай дысцыпліны і кадравай пераемнасці ў працоўным калектыве. Для павышэння эфектыўнасці і зацікаўленасці ў рабоце было прапанавана ўкараніць уручэнне пераходных прызоў у намінацыях: «Лепшы аддзел», «Лепшы малады спецыяліст», «Лепшы работнік». Было рэкамендавана скарэкціраваць задачы архіва на 2024 год і звярнуць увагу на расстаноўку прыярытэтаў у гэтым годзе.

Выніковы збор архіва завяршыўся ўрачыстым узнагароджаннем працаўнікоў.

За ўзорнае выкананне службовых абавязкаў, высокі прафесіяналізм, значны асабісты ўклад у развіццё архіўнай справы ў 2023 годзе Ганаровай граматай Дэпартамента па архівах і справаводству Міністэрства юстыцыі Рэспублікі Беларусь узнагароджаны:

Кот Ала Канстанцінаўна, галоўны захавальнік фондаў;

Сіман Вольга Дзям’янаўна, вядучы архівіст аддзела фарміравання Нацыянальнага архіўнага фонду.

За шматгадовую добрасумленную працу, высокі прафесіяналізм, узорнае выкананне службовых абавязкаў і па выніках працы за 2023 год Ганаровай граматай установы «Беларускі дзяржаўны архіў кінафотафонадакументаў» узнагароджаны:

Карачун Ірына Валянцінаўна, вядучы архівіст аддзела тэхнічнага кантролю;

Ламака Марыя Антонаўна, загадчык архівасховішча аддзела забеспячэння захаванасці дакументаў і фондаў;

Пульманаўскі Арцём Валер’евіч, намеснік загадчыка аддзела дзяржаўнага ўліку і навукова-даведачнага апарата;

Трухановіч Наталля Віктараўна, намеснік загадчыка аддзела аблічбоўвання дакументаў;

Сарган Ірына Юр’еўна, галоўны бухгалтар.

Дыплом Міністэрства юстыцыі ўзнагароджана Сарган Марыя Сяргееўна, дачка галоўнага бухгалтара Сарган І.Ю., якая заняла 1-е месца ў «Арыгінальным жанры» агляду-конкурсу мастацкай самадзейнасці органаў і арганізацый сістэмы Міністэрства юстыцыі Рэспублікі Беларусь.

Пасля выніковага сходу пад кіраўніцтвам дырэктара Дэпартамента па архівах і справаводстве Міністэрства юстыцыі Рэспублікі Беларусь А.Л.Воінава адбылася рабочая нарада на аб’екце «Капітальны рамонт з элементамі мадэрнізацыі ўнутраных інжынерных сістэм і аздаблення папавярхова ў будынку ўстановы БДАКФФД» з прадстаўнікамі будаўнічай, падраднай, інжынернай арганізацый па пытаннях павелічэння аб’ёмаў выкананых работ і намецілі далейшы ход будаўнічых работ.

1. Удзельнікі выніковага збору

2. Калектыў БДАКФФД

3. Дырэктар Дэпартамента па архівах і справаводстве Міністэрства юстыцыі Рэспублікі Беларусь А.Л.Воінаў

4. Выступленне дырэктара Дэпартамента па архівах і справаводству Міністэрства юстыцыі Рэспублікі Беларусь А.Л.Воінаў

5. Выступленне дырэктара Дэпартамента па архівах і справаводству Міністэрства юстыцыі Рэспублікі Беларусь А.Л.Воінаў

6. Падчас рабочай нарады па пытаннях правядзення капітальнага рамонту

7. Уручэнне ўзнагароды галоўнаму бухгалтару архіва І.Ю.Сарган за перамогу яе дачкі Марыі ў аглядзе-конкурсе мастацкай самадзейнасці органаў і арганізацый сістэмы Міністэрства юстыцыі Рэспублікі Беларусь

8. Уручэнне Ганаровай граматы Дэпартамента па архівах і справаводству Міністэрства юстыцыі Рэспублікі Беларусь вядучаму архівісту аддзела фарміравання Нацыянальнага архіўнага фонду А.Д.Сіман

9. Уручэнне Ганаровай граматы Дэпартамента па архівах і справаводству Міністэрства юстыцыі Рэспублікі Беларусь галоўнаму захавальніку фондаў А.К.Кот

10. Падчас правядзення выніковага сходу